2016ൽ 6121 മരണങ്ങൾ, 2015ൽ 6917, 2014ൽ 5850.. മരണങ്ങൾ ഖോരക്പൂർ ആശുപത്രിയിൽ പുതിയതല്ല

Welcome to NIRBHAYAM.COM | Kerala’s No. 1 News Portal

Nirbhayam.com

September 20, 2017 7:43 am

Menu

Published on September 5, 2017 at 2:26 pm

2016ൽ 6121 മരണങ്ങൾ, 2015ൽ 6917, 2014ൽ 5850.. മരണങ്ങൾ ഖോരക്പൂർ ആശുപത്രിയിൽ പുതിയതല്ല

6121-deaths-in-2016-at-brd-hospital-as-against-1317-this-year-shows-a-massive-drop-in-toll

ഖോരക്പൂർ ബിആർഡി ആശുപത്രിയിൽ മരണസംഖ്യ കൂടിക്കൊണ്ടിരിക്കുമ്പോൾ, നിത്യേനയെന്നോണം കുഞ്ഞു ജീവനുകൾ പൊലിയുമ്പോൾ, നെഞ്ചിടിപ്പോടെയും വേദനയുടെയും ഓരോ മരണവും നമ്മുടെ മനസ്സിൽ മുറിവുണ്ടാക്കുമ്പോൾ നാമറിയാത്ത, അല്ലെങ്കിൽ വേണ്ടത്ര ശ്രദ്ധിക്കപ്പെടാത്ത ഒരു ചരിത്രം ഈ ബിആർഡി ആശുപത്രിക്ക് പായാനുണ്ട്. മരണത്തിന്റെ എണ്ണിയാലൊടുങ്ങാത്ത കണക്കുകളുടെ പുസ്തകം തന്നെയാണ് ഈ ആശുപത്രി എന്ന സത്യത്തിലേക്ക് ആ അറിവുകൾ നമ്മെ കൊണ്ടെത്തിക്കുകയും ചെയ്യും.

ഉത്തർപ്രദേശ് സർക്കാരിന്റെ ആരോഗ്യ വകുപ്പ് പുറത്തുവിട്ട വിവരങ്ങളുടെ അടിസ്ഥാനത്തിൽ ഈ വർഷമാണത്രെ ഏറ്റവും കുറവ് മരണസംഖ്യ രേഖപ്പെടുത്തിയത് പോലും. അതായത് 1317 കുട്ടികൾ മാത്രമേ മരിച്ചുള്ളൂ എന്ന്. അത്രയ്ക്കും ലാഘവത്തോടെയാണ് ഇത് പറയുന്നത്. അതിനു പിന്നിലെ മറ്റൊരു കാരണം എന്തെന്ന് വെച്ചാൽ കഴിഞ്ഞ ഏതാനും വര്ഷങ്ങളിലെ ഈ ആശുപത്രിയിലെ മരണങ്ങളുടെ കണക്കുമായി നോക്കുമ്പോൾ ഈ കുറവ് അനുഭവപ്പെടുന്നു എന്നതിനാലാണ്.

2016ൽ 6121 മരണങ്ങൾ ആണ് ഈ ആശുപത്രിയിൽ നടന്നിട്ടുള്ളത്. അതിനു മുമ്പ് 2015ൽ 6917 മരണങ്ങൾ. അതിനും മുമ്പത്തെ വർഷം 2014ൽ നടന്നതോ 5850 മരണങ്ങളും. ആശുപത്രിയിലെ കണക്കുകളുടെ അടിസ്ഥാനത്തിൽ പുറത്തു വന്നിരിക്കുന്നതാണ് ഈ വിവരങ്ങൾ അത്രയും.

മുൻവർഷങ്ങളിലെ മരണനിരക്ക് വെച്ച് താരതമ്യം ചെയ്യുമ്പോൾ കാര്യമായ കുറവ് തന്നെ നമുക്ക് കാണാം. ഈ ഒരു കാര്യം തന്നെ മറയാക്കി സർക്കാരും സംസാരിക്കുന്നു. മരണനിരക്ക് കുറയുന്നു എന്ന് പറയുമ്പോൾ നമുക്ക് ആശ്വാസമേകുമെങ്കിലും ഇത്രയും മരണങ്ങൾ കഴിഞ്ഞ വര്ഷങ്ങളില് ഇവിടെ നടന്നു എന്ന് കേൾക്കുമ്പോൾ നമ്മുടെ ചങ്കിടിപ്പ് കൂടുന്നു.

2014 ൽ ഒരു ദിവസേനയുള്ള ശരാശരി മരണനിരക്ക് 16 ആയിരുന്നെങ്കിൽ 2015 ൽ അത് 19 ആയി കൂടി. 2016 ആയപ്പോൾ ഇത് 17 ആയി മാറി. ഈ വർഷം ഓഗസ്റ് വരെയുള്ള ശരാശരി മരണനിരക്ക് ഒരു ദിവസം 5.3 ആണ്. അതായത് ഇപ്പോഴും ദിവസം 5 പേര് അല്ലെങ്കിൽ 6 പേര് ദിനവും മരിക്കുന്നു.

കഴിഞ്ഞ കാലങ്ങളിലെ മരണനിരക്ക് ഓർത്ത് സങ്കടപ്പെടുമ്പോഴും ആശ്വസിക്കാൻ വക നൽകുന്നത് ഈ കുറഞ്ഞുവരുന്ന മരണങ്ങളുടെ കണക്കുകൾ തന്നെയാണ്. അതിനായുള്ള ശ്രമങ്ങൾ ആശുപത്രി അധികൃതർ കൈക്കൊണ്ടു എന്നുവേണം കരുതാൻ.

ഈ വർഷത്തെ കണക്കുകളിലേക്ക് കടക്കുമ്പോൾ ജനുവരിയിൽ 152, ഫെബ്രുവരിയിൽ 122, മാർച്ച് 159, ഏപ്രിൽ 123, മെയ് 139, ജൂൺ 137, ജൂലായ് 128, ഓഗസ്റ് 325 എന്നിങ്ങനെ നീളുന്നു. ഈ ഓഗസ്റ്റിൽ ഓക്സിജൻ ലഭ്യതയുടെ ബന്ധപ്പെട്ട പ്രശ്നങ്ങൾ മരണനിരക്കിൽ വലിയ ഉയർച്ച ഉണ്ടാക്കുകയും ചെയ്തതോടെ വിഷയം രാജ്യം മൊത്തം ശ്രദ്ധിക്കപ്പെടുകയായിരുന്നു.

ഓഗസ്റ്റിൽ നടന്ന ഈ സംഭവങ്ങൾ പുറംലോകം അറിഞ്ഞതോടെ ആശുപത്രിയുടെ മുൻകാല കണക്കുകൾ അടക്കം പലതിലേക്കും നിയമം എത്തിനോക്കിയപ്പോൾ ഇത്തരത്തിൽ ഞെട്ടിപ്പിക്കുന്ന വിവരങ്ങൾ ലഭിക്കുകയും ചെയ്തു.

മരണനിരക്ക് ഇനിയും കൂടുകയും കുറയുകയും ചെയ്തുകൊണ്ടിരിക്കും എങ്കിലും ഇത്രയധികം കാര്യങ്ങൾ ശ്രദ്ധിക്കപ്പെട്ടതോടെ മികച്ച സംവിധാനങ്ങളുടെയും സൗകര്യങ്ങളുടെയും പിൻബലത്തിൽ ഇനിയും ഈ മരണക്കളി ഈ ആശുപത്രിയിൽ തുടരാതിരിക്കുമെന്ന് ആശ്വസിക്കാം. അതിനുള്ള മുന്നൊരുക്കങ്ങൾ സർക്കാരിന്റെയും മറ്റ് അധികൃതരുടെയും ഭാഗത്ത് നിന്നും തുടങ്ങി എന്നതും ആശ്വാസകരമാണ്.

ഇവിടെ കാണുന്ന അഭിപ്രായങ്ങൾ "നിർഭയം" ന്റേതാവണമെന്നില്ല! അഭിപ്രായം അറിയിക്കുന്നവർ അശ്ലീലവും അസഭ്യവും അപകീര്ത്തികരവും നിയമവിരുദ്ധവുമായ പരാമര്ശങ്ങള് ഒഴിവാക്കുക. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വ്യക്തിപരമായ അധിക്ഷേപങ്ങള് പാടില്ല..!

Loading...

More News