medicine for snake bite latest medical treatment news

Welcome to NIRBHAYAM.COM | Kerala’s No. 1 News Portal

Nirbhayam.com

April 26, 2018 3:39 am

Menu

Published on April 10, 2018 at 1:47 pm

ഇനി മുതൽ പാമ്പുകടിയേറ്റാൽ കോഴിമുട്ടകൊണ്ട് ചികിത്സ !!

medicine-for-snake-bite

പാമ്പ് വിഷത്തെ പ്രതിരോധിക്കാനുള്ള മരുന്ന് കോഴിമുട്ടയുടെ മഞ്ഞയിൽ ഉണ്ടെന്ന് കണ്ടെത്തൽ . ശ്രീചിത്ര ഇന്‍സ്റ്റിറ്റ്യൂട്ട് ഫോര്‍ മെഡിക്കല്‍ സയന്‍സിലാണ് കോഴിമുട്ട ഉപയോകിച് പുതിയ വിഷസംഹാരി വികസിപ്പിച്ചത്. ഇതിനു വേണ്ടി 19 വര്‍ഷമായി ഗവേഷണം നടത്തി വരികയായിരുന്നു ഇവർ.

കോഴിമുട്ട കൊണ്ടുള്ള ഈ മരുന്ന് ഉപയോഗിച്ചാല്‍ നാഡികളെയും രക്തവ്യൂഹത്തെയും രക്തചംക്രമണ വ്യവസ്ഥകളെയും ബാധിക്കുന്ന പാമ്പ് വിഷത്തെ പ്രതിരോധിക്കാമെന്ന് ഗവേഷകര്‍ പറയുന്നു. കോഴിമുട്ടയുടെ മഞ്ഞക്കരുവില്‍ വിഷം കുത്തിവച്ചാണ് പരീക്ഷണം നടത്തിയത്. ഈ പരീക്ഷണത്തില്‍ പാമ്പു വിഷത്തിനു എതിരായ ആന്റിബോഡി കണ്ടെത്തിയിരുന്നു.

പുതിയ ഈ മരുന്ന് മൃഗങ്ങളിലും എലികളിലും പരീക്ഷിച്ചു വിജയിച്ച സാഹചര്യത്തില്‍ ഇത് വിപണിയിലെത്തിക്കാനുള്ള ശ്രമം ആരംഭിച്ചത്. മരുന്ന് അടുത്ത വര്‍ഷം മുതല്‍ വിപണിയിലെത്തിക്കുമെന്നാണ് ലഭിക്കുന്ന സൂചന. ഇന്‍സ്റ്റിറ്റ്യൂട്ട് ഇതിനു വേണ്ടി ചെന്നൈ ന്യൂ മെഡിക്കോണ്‍ പ്രൈവറ്റ് ലിമിറ്റഡുമായി കരാറിലെത്തി.

എഴുപത് വര്‍ഷത്തില്‍ അധികമായി കുതിരയുടെ ചോരയില്‍ നിന്ന് വേര്‍തിരിച്ചെടുത്ത മരുന്നാണ് പാമ്പ് വിഷയത്തിനു പ്രതിവിധിയായി ഉപയോഗിച്ച് വരുന്നത്. പക്ഷേ ഈ മരുന്ന് വലിയ തോതിലുള്ള പാര്‍ശ്വഫലങ്ങള്‍ ഉണ്ടാക്കുന്നതായി റിപ്പോര്‍ട്ടുണ്ട്. പുതിയ മരുന്നിലൂടെ ഈ പാര്‍ശ്വഫലങ്ങള്‍ ഒഴിവാക്കി ആളുകളുടെ ജീവന്‍ രക്ഷിക്കാമെന്ന പ്രതീക്ഷയിലാണ് ആരോഗ്യ മേഘലയിലെ വിധക്തർ.

Loading...

More News