രണ്ടായിരം പേരൊന്നിച്ച് തടാകത്തില്‍ കൈകോര്‍ത്തു; ലോക റെക്കോഡിനായി

Welcome to NIRBHAYAM.COM | Kerala’s No. 1 News Portal

Nirbhayam.com

March 27, 2017 8:37 pm

Menu

Published on February 4, 2017 at 11:41 am

രണ്ടായിരം പേരൊന്നിച്ച് തടാകത്തില്‍ കൈകോര്‍ത്തു; ലോക റെക്കോഡിനായി

nearly-2000-people-join-hands-set-floating-record-argentina

ബ്യൂണസ് ഐറിസ്: ഗിന്നസ് ലോകറെക്കോര്‍ഡുകള്‍ എന്നും തകര്‍ക്കപ്പെടാനുളളതാണ്. പലപ്പോഴും അത് തകര്‍ക്കപ്പെടാറുമുണ്ട്. ഇത്തരത്തില്‍ ഒരു ഗിന്നസ് റെക്കോര്‍ഡ് തകര്‍ക്കാന്‍ അര്‍ജന്റീനയില്‍ നടന്ന ശ്രമം ഏവര്‍ക്കും കൗതുക കാഴ്ചയായി.

nearly-2000-people-join-hands-set-floating-record-argentina

രണ്ടായിരത്തോളം പേര്‍ ഒരുമിച്ച് കൈ കോര്‍ത്ത് തടാകത്തില്‍ പൊങ്ങിക്കിടക്കുന്ന അപൂര്‍വമായ കാഴ്ച. ബ്യൂണസ് ഐറിസിലായിരുന്നു ഈ റെക്കോര്‍ഡിനായുള്ള പരിപാടി.

കഴിഞ്ഞ ഞായറാഴ്ച നടത്തിയ ഈ പരിപാടിയില്‍ 1,941 പേരാണ് പരസ്പരം കൈ പിടിച്ച് എപിക്യൂവന്‍ തടാകത്തില്‍ മുപ്പത് സെക്കണ്ട് പൊങ്ങിക്കിടന്നത്. ഈ പ്രകടനത്തിന് സാക്ഷികളാകാന്‍ ഗിന്നസ് ബുക്ക് ഓഫ് റെക്കോര്‍ഡ്‌സിന്റെ പ്രതിനിധികളും ഉണ്ടായിരുന്നു.

nearly-2000-people-join-hands-set-floating-record-argentina2

2014-ല്‍ തയ്‌വാനിലെ സണ്‍മൂണ്‍ തടാകത്തില്‍ 634 പേര്‍ ചേര്‍ന്ന സ്ഥാപിച്ച റെക്കോര്‍ഡാണ് ഈ പ്രകടനത്തിനു മുന്നില്‍ വഴിമാറിയത്.

സാധാരണ തടാകങ്ങളില്‍ പൊങ്ങിക്കിടക്കണമെങ്കില്‍ പ്രത്യേകസംവിധാനങ്ങളുടെ സഹായം ആവശ്യമാണ്. എന്നാല്‍ എപിക്യൂവന്‍ തടാകത്തില്‍ സമുദ്രത്തിലുള്ളതിന്റെ പത്തിരട്ടി ഉപ്പടങ്ങിയിട്ടുള്ളതിനാല്‍ ശരീരഭാരം കുറഞ്ഞ് ഒരു സഹായവുമില്ലാതെ പൊങ്ങിക്കിടക്കാന്‍ ആളുകളെ സഹായിച്ചു.

nearly-2000-people-join-hands-set-floating-record-argentina3

പ്രകടനത്തിനായി തടാകത്തിലിറങ്ങിയവര്‍ 50 ഓളം വരികളായി തിരിഞ്ഞാണ് കൈകോര്‍ത്ത് കിടന്നത്. ഡ്രോണിന്റെ സഹായത്തോടെ ചിത്രീകരിച്ച ജനങ്ങളുടെ വെള്ളത്തിലെ കിടപ്പിന്റെ വീഡിയോ സൈബര്‍ ലോകത്ത് തരംഗമാകുകയാണ്.

Loading...

ഇവിടെ കാണുന്ന അഭിപ്രായങ്ങൾ "നിർഭയം" ന്റേതാവണമെന്നില്ല! അഭിപ്രായം അറിയിക്കുന്നവർ അശ്ലീലവും അസഭ്യവും അപകീര്ത്തികരവും നിയമവിരുദ്ധവുമായ പരാമര്ശങ്ങള് ഒഴിവാക്കുക. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വ്യക്തിപരമായ അധിക്ഷേപങ്ങള് പാടില്ല..!

More News