Welcome to NIRBHAYAM.COM | Kerala’s No. 1 News Portal
April 23, 2025 11:15 pm
Published on December 14, 2017 at 4:26 pm
ട്രോളര്‍മാരേ… ഇതിലേ.. ഇതിലേ.. – ആട്-2 വിന്റെ വമ്പിച്ച ട്രോള്‍ മത്സരം, ഒന്നാം സമ്മാനം 15000 രൂപ!
ഇറങ്ങി ഒരു ദിവസം കൊണ്ട് തന്നെ 15 ലക്ഷത്തിനു മേല്‍ ആളുകള്‍ കണ്ട് റെക്കോര്‍ഡിട്ടിരിക്കുന്ന ആട്-2 വിന്റെ ട്രെയിലറിന് ശേഷം ആട്-2വും ഫ്രൈഡേ ഫിലിം ഹൗസും ചേര്‍ന്ന് ട്രോളന്മാര്‍ക്ക് കിടിലന്‍ ഒരു മത്സരം പ്രഖ്യാപിച്ചിരിക്കുകയാണ്. ആട്-2 ഒഫീഷ്യല്‍ ഫേസ്ബുക് പേജ് വഴിയാണ് പ്രഖ്യാപനം വന്നിരിക്കുന്നത്. പോസ്റ്റ് ഇങ്ങനെയാണ്.
ആട് 2 ‘ട്രോള്‍ മത്സരം’
ആട്2 സോംഗ് / ട്രൈയിലറിലെ രംഗങ്ങള്‍ ആസ്പദമാക്കിയുള്ള ട്രോളുകളുടെ വന്‍പ്രവാഹം സോഷ്യല്‍ മീഡിയാ ആഘോഷമാക്കുമ്പോള്‍ ഫ്രൈഡേ ഫിലിം ഹൗസും ഒപ്പം ചേരുന്നു.
ആട് 2 വിന്റെ ട്രെയിലറിലെയോ, സോംഗിലെയോ സ്‌ക്രീന്‍ഷോട്ടുകള്‍ കോര്‍ത്തിണക്കി , ഈ സിനിമയെത്തന്നെ പരാമര്‍ശിക്കുന്നതോ, മറ്റു പൊതുവിഷയങ്ങള്‍ കൈകാര്യം ചെയ്യുന്നതോ ആയ രസകരമായ ട്രോളുകള്‍ക്ക് അത്യുഗ്രന്‍ സമ്മാനങ്ങള്‍ ഞങ്ങള്‍ ഒരുക്കുകയാണ്.
ഒന്നാം സമ്മാനം : 15,000 രൂപ + പാപ്പന്‍മുണ്ട് + ഫസ്റ്റ് ഡേ ഫസ്റ്റ് ഷോ ടിക്കറ്റ്.
രണ്ടാം സമ്മാനം : 10,000 രൂപ + പാപ്പന്‍മുണ്ട് + ഫസ്റ്റ് ഡേ ഫസ്റ്റ് ഷോ ടിക്കറ്റ്.
മൂന്നാം സമ്മാനം : 5,000 രൂപ + പാപ്പന്‍മുണ്ട് + ഫസ്റ്റ് ഡേ ഫസ്റ്റ് ഷോ ടിക്കറ്റ്.
ഒപ്പം തിരഞ്ഞെടുക്കപ്പെടുന്ന മികച്ച 10 ട്രോളുകള്‍ക്ക് ആകര്‍ഷകമായ ഗിഫ്റ്റുകള്‍ നല്‍കുന്നതായിരിക്കും.
തിരഞ്ഞെടുക്കപ്പെടുന്ന എല്ലാ ട്രോളുകളും ആട് 2 വിന്റെ ഒഫിഷ്യല്‍ പേജില്‍ പ്രസിദ്ധീകരിക്കുന്നതായിക്കും.
ശ്രദ്ധിക്കുക :
മത്സരം ആരംഭിക്കുന്നത് ഇപ്പോള്‍ മുതല്‍. ഡിസംബര്‍ 21 ന് ഉച്ചയ്ക്ക് 12 മണി വരെ ടോളുകള്‍ അയക്കാം.
ഒരാള്‍ക്ക് എത്ര ട്രോളുകള്‍ വേണമെങ്കിലും അയക്കാം. സ്വന്തമായി ഉണ്ടാക്കിയ ട്രോള്‍ വേണം അയക്കാന്‍. അയക്കുന്ന ട്രോളന്റെ പേര് മെന്‍ഷന്‍ ചെയ്തുകൊണ്ട് , സ്വന്തം വാട്ട്‌സാപ്പ് നമ്പറില്‍ നിന്നു വേണം അയക്കാന്‍.
മത്സരത്തിനായി ട്രോളുകള്‍ അയക്കേണ്ട ഞങ്ങളുടെ വാട്ട്‌സാപ്പ് നമ്പര്‍ +91 9745422555.
നിലവില്‍ ഇറങ്ങിയ ഒരു ട്രോള്‍ തന്നെ ( എക്‌സാറ്റ് കോപ്പി )ഒന്നി ലധികം പേര് അയക്കുകയും, അതിന്റെ ഉടമസ്ഥാവകാശത്തെച്ചൊല്ലി തര്‍ക്കം ഉടലെടുക്കുകയും ചെയ്താല്‍, അത് ആദ്യം ഫേസ് ബുക്കില്‍/ പോസ്റ്റ് ചെയ്തത് ആരെന്നുള്ള സമയം പരിശോധിച്ചായിരിക്കും അംഗീകരിക്കുക. തുടര്‍ന്ന് ഉടമസ്ഥരല്ലാത്തവരെ മത്സരത്തില്‍ നിന്ന് അയോഗ്യരാക്കുന്നതുമായിരിക്കും.
ട്രോള്‍ ഉണ്ടാക്കുമ്പോള്‍ മറ്റുള്ള സിനിമയുടെ/ താരങ്ങളുടെ /മത-സാമുദായിക വികാരങ്ങള്‍ വൃണപ്പെടുത്താതിരിക്കാന്‍ പ്രത്യേകം ശ്രദ്ധിക്കുക. അങ്ങനെയുള്ളവ പരിഗണിക്കുന്നതല്ല.
അപ്പോള്‍ കളി തുടങ്ങുകയായി…
കപ്പ് ആര് കൊണ്ടുപോകും മക്കളേ…??
Leave a Reply