Published on May 12, 2017 at 2:20 pm

ജനന തീയതി പ്രകാരം ഇവ വീട്ടില്‍ സൂക്ഷിച്ചു നോക്കൂ

based-on-your-birth-date-keep-these-lucky-things-your-home

ജനന തീയതിക്ക് നമ്മുടെ ഓരോരുത്തരുടേയും ജീവിതത്തില്‍ പ്രധാന സ്ഥാനമുണ്ട്. നാം ജനിച്ച തീയതി, സമയം എല്ലാം പല വിധത്തില്‍ നമ്മുടെ ജീവിതത്തില്‍ സ്വാധീനം ചെലുത്തുന്നവയാണ്.

ഓരോ വ്യക്തികളുടേയും ജനനത്തീയതി പ്രകാരം ചില പ്രത്യേക വസ്തുക്കള്‍ സൂക്ഷിക്കുന്നത് സമ്പത്തും ഐശ്വര്യവും നല്‍കുമെന്നാണ് പറയപ്പെടുന്നത്. ഓരോ ജനനത്തീയതിക്കനുസരിച്ചും ഇതു വ്യത്യാസപ്പെടുകയും ചെയ്യും.

നിങ്ങളുടെ ജനനത്തീയതിയനുസരിച്ച് നിങ്ങള്‍ക്കു ഭാഗ്യം നല്‍കുന്ന വസ്തുക്കള്‍ എതെല്ലാമെന്നു കണ്ടെത്തേണ്ടതുണ്ട്. രണ്ടക്ക നമ്പറില്‍ ജനിച്ചവരെങ്കില്‍ അക്കങ്ങള്‍ കൂട്ടിക്കിട്ടുന്ന സംഖ്യയാണ് കണക്കാക്കേണ്ടത്.
ജനിച്ച തീയതി പ്രകാരം ഇവ വീട്ടില്‍ സൂക്ഷിച്ചു നോക്കൂ.

1, 10, 19, 28 തീയതികളില്‍ ജനിച്ചവരെങ്കില്‍ 1 ആയി സംഖ്യയെടുക്കാം. ഇവര്‍ മരം കൊണ്ടുള്ള ഓടക്കുഴല്‍ വീട്ടില്‍ സൂക്ഷിയ്ക്കുന്നതു ഭാഗ്യവും ഐശ്വര്യവുമെല്ലാം കൊണ്ടുവരും.

2, 11, 20, 29 തീയതികളില്‍ ജനിച്ചവരെങ്കില്‍ 2 ആണ് സംഖ്യ. ഇത്തരക്കാര്‍ വെളുത്ത നിറത്തിലെ ഷോപീസ് വടക്കുതെക്കു ഭാഗത്തായി സൂക്ഷിയ്ക്കുന്നത് നല്ലതാണ്. പൊസറ്റീവ് മൂഡിലുള്ള ഷോപീസാകണമെന്നു മാത്രം.

3, 12, 21, 30 തീയതികളിലാണ് ജനനമെങ്കില്‍ ഒരു രുദ്രാക്ഷമാല വീടിന്റെ വടക്കുകിഴക്കു ദിശയില്‍ സൂക്ഷിയ്ക്കുന്നത് ഗുണം ചെയ്യും.

4, 13, 22 തീയതികളിലാണ് ജനനമെങ്കില്‍ 4 ആണ് ജനനസംഖ്യയായി എടുക്കേണ്ടത്. പൊട്ടാത്ത ഒരു കഷ്ണം ഗ്ലാസ് തെക്കു പടിഞ്ഞാറു ദിശയില്‍ സൂക്ഷിയ്ക്കുന്നതു ഗുണം നല്‍കും.

5, 14, 23 തീയതികളിലാണ് ജനനമെങ്കില്‍ 5 ആണ് ജന്മസംഖ്യ. കുബേരന്‍, ലക്ഷ്മീദേവി എന്നിവരുടെ ഒരുമിച്ചുള്ളതോ വെവ്വേറെയുള്ളതോ ആയ ചിത്രങ്ങള്‍ വീടിന്റെ വടക്കുദിശയില്‍ സൂക്ഷിയ്ക്കുന്നതു ഇത്തരക്കാര്‍ക്ക് ഗുണം ചെയ്യും.

6, 15, 24 തീയതികളിലാണ് ജനനമെങ്കില്‍ ജനനത്തീയതി 6 ആയെടുക്കാം. വീടിന്റെ തെക്കുകിഴക്കു ദിശയിലായി ഒരു മയില്‍പ്പീലി സൂക്ഷിയ്ക്കുന്നതു ഗുണം ചെയ്യും.

7, 16, 25 തീയതികളിലാണ് ജനനമെങ്കില്‍ 7 ആണ് സംഖ്യയായി എടുക്കേണ്ടത്. ഇരുണ്ട ബ്രൗണ്‍ നിറമുള്ള രുദ്രാക്ഷം തെക്കുകിഴക്കു ദിശയില്‍ സൂക്ഷിയ്ക്കുന്നതു ഇവര്‍ക്ക് ഗുണം ചെയ്യും.