Welcome to NIRBHAYAM.COM | Kerala’s No. 1 News Portal
April 19, 2024 11:11 pm
Published on October 28, 2014 at 10:23 am
നീലോഫർ ചുഴലിക്കാറ്റ് വെള്ളിയാഴ്ച ഇന്ത്യൻ തീരത്തെത്തുമെന്ന് മുന്നറിയിപ്പ്
ഹുദ് ഹുദിനു പിന്നാലെ അറബിക്കടലില്‍ രൂപം കൊണ്ട നിലോഫര്‍ വെള്ളിയാഴ്ച രാവിലെയോടെ ഇന്ത്യന്‍ തീരത്തെത്തുമെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകി. ഗുജറാത്ത്, ലക്ഷദ്വീപ്, പാകിസ്താന്‍ തീരങ്ങളിലാണ് നിലോഫര്‍ ഏറ്റവും കൂടുതല്‍ ഭീഷണി ഉയർത്താൻ സാധ്യതയുള്ളത്. മണിക്കൂറില്‍ 100-110 കിലോമീറ്റര്‍ വോഗതയിലായിരിക്കും കാറ്റ് വീശുക. ചു‍ഴലിക്കാറ്റിന്‍റെ പശ്ചാത്തലത്തില്‍ തീരജില്ലകളായ സൗരാഷ്ട്രയിലും കച്ചിലും വ്യാ‍ഴാഴ്ച മുതല്‍ ശക്തമായ മ‍ഴയുണ്ടാകും.കടൽ പ്രക്ഷുബ്ദമാകാൻ സാധ്യതയുള്ളതിനാൽ മ‍ത്സ്യത്തൊ‍ഴിലാളികള്‍ക്ക്‌ ജാഗ്രതാനിര്‍ദേശം നല്‍കിയിട്ടുണ്ട്. നിലോഫര്‍ ചു‍ഴലിക്കാറ്റിന്‍റെ പശ്ചാത്തലത്തില്‍ മഹാരാഷ്ട്ര, ഗോവ, ഗുജറാത്ത് , കര്‍ണാടക സംസ്ഥാന സര്‍ക്കാറുകള്‍ക്ക്‌ ദേശീയ ദുരന്ത നിവാരണ സേന മുന്നറിയിപ്പ് നൽകി. തീരപ്രദേശങ്ങളില്‍ താമസിക്കുന്നവരെ മാറ്റി പാർപ്പിച്ചുക്കൊണ്ടിരിക്കയാണ്.ചുഴലി ശക്തിപ്പെടുന്നതിനാല്‍ ചൊവ്വാഴ്ച മുതല്‍ കേരളത്തില്‍ തുലാവര്‍ഷത്തിനു കരുത്തു കുറയാനാണു സാധ്യത. എങ്കിലും, ചിലയിടങ്ങളില്‍ ഒറ്റപ്പെട്ട മഴ പ്രതീക്ഷിക്കാം.ആന്ധ്ര ഒഡീഷ തീരങ്ങളില്‍ രണ്ടാഴ്ച മുമ്പ് വീശിയ ഹുദ്ഹുദ് ചുഴലിക്കാറ്റ് വൻനാശനഷ്ടങ്ങളാണ് ഉണ്ടാക്കിയിട്ടുള്ളത്.
Leave a Reply