Welcome to NIRBHAYAM.COM | Kerala’s No. 1 News Portal
December 3, 2023 8:35 pm
Published on August 21, 2017 at 12:32 pm
കേരളത്തില്‍ കഞ്ചാവ് സുലഭം, പൊലീസ് പിടിച്ചാല്‍ ചെയ്യേണ്ടത്; വിദേശികള്‍ക്ക് ഒരു വെബ്സൈറ്റിന്റെ നിര്‍ദേശങ്ങള്‍
ലോകത്തിലെ ഏതുഭാഗത്തെയും കഞ്ചാവ് ലഭ്യതയെക്കുറിച്ച് വിവരം നല്‍കുന്ന വെബ്സൈറ്റില്‍ കേരളത്തിലെ ചില കോളനികളുടെ വിവരങ്ങളും. ലോകത്തിന്റെ വിവിധഭാഗങ്ങളിലെ കഞ്ചാവ് ലഭ്യതയെക്കുറിച്ച് വിവരം നല്‍കുന്ന സൈറ്റിലാണ് കേരളത്തിലെ കോളനികളുടെ പേരുവിവരങ്ങള്‍ ഉള്‍പ്പെട്ടിരിക്കുന്നത്.
കഞ്ചാവുമായി പൊലീസ് പിടിച്ചാല്‍ ചെറിയ തുക കൈക്കൂലി നല്‍കിയാല്‍ രക്ഷപ്പെടാമെന്നും സൈറ്റ് ഉപദേശിക്കുന്നു. സഞ്ചാരികളായ കഞ്ചാവ് പ്രിയര്‍ക്കായുള്ളതാണ് ഈ വെബ്‌സൈറ്റ്. നേരത്തെയും കേരളത്തില്‍ കഞ്ചാവ് ലഭ്യമാണെന്ന വിവരങ്ങള്‍ സഞ്ചാരികള്‍ക്കായുള്ള സൈറ്റുകളില്‍ വന്നിരുന്നത് വാര്‍ത്തായിരുന്നു.
കേരളത്തില്‍ കഞ്ചാവ് നിയമ വിരുദ്ധമാണെന്നും പിടിക്കപ്പെട്ടാലുള്ള ശിക്ഷ ഏതൊക്കെയാണെന്നും സഞ്ചാരികള്‍ക്ക് മാര്‍ഗനിര്‍ദ്ദേശങ്ങള്‍ നല്‍കുന്ന സൈറ്റില്‍ വ്യക്തമാക്കുന്നുണ്ട്. പൊലീസ് പിടിക്കുകയാണെങ്കില്‍ ഉടന്‍ കൈക്കൂലി നല്‍കണം. 20 ഡോളറൊക്കെ നല്‍കിയാല്‍ കേരളാ പൊലീസ് സംതൃപ്തരാകും. സ്റ്റേഷനിലെത്തുന്നതിനു മുമ്പേ പണം നല്‍കണമെന്നും അല്ലെങ്കില്‍ സ്റ്റേഷനിലുള്ള കൂടുതല്‍ പേര്‍ക്ക് പണം നല്‍കേണ്ടി വരുമെന്നും സൈറ്റ് സഞ്ചാരികള്‍ക്ക് നിര്‍ദേശം നല്‍കുന്നു.
ലോകത്തിന്റെ വിവിധ ഭാഗങ്ങളില്‍ നിന്ന് യാത്ര പുറപ്പെടുന്നവര്‍ക്കുള്ള മാര്‍ഗ നിര്‍ദേശങ്ങളിലാണ് കേരള പൊലീസിന്റെ കൈക്കൂലി പ്രിയത്തെക്കുറിച്ചും കേരളത്തിലെ കഞ്ചാവ് ലഭ്യതയെക്കുറിച്ചുമുള്ള പരാമര്‍ശങ്ങള്‍ ഇടംപിടിച്ചിരിക്കുന്നത്. കേരളത്തിലെ കഞ്ചാവിന്റെ വിലവിരങ്ങളും സൈറ്റിലുണ്ട്.
ഓഗസ്റ്റ് അഞ്ചിന് 30 ഗ്രാം കഞ്ചാവിന് ഒരുഡോളറാണ് വില കാണിച്ചിരിക്കുന്നത്. ശരിയായ ഇടനിലക്കാരനെ കണ്ടെത്തണമെന്നും വിലപേശി വാങ്ങിക്കണമെന്നും സൈറ്റ് ഉപദേശിക്കുന്നു. കഞ്ചാവ് അനുബന്ധ ഉല്‍പ്പന്നങ്ങള്‍ എല്ലാം കേരളത്തില്‍ ലഭിക്കുമെന്നും ഇതില്‍ പറയുന്നു.
Leave a Reply