Welcome to NIRBHAYAM.COM | Kerala’s No. 1 News Portal
April 30, 2025 9:45 am
Published on July 4, 2013 at 4:49 pm
കമ്പ്യൂട്ടര്‍ മൗസിൻറെ പിതാവ് വിടവാങ്ങി
കമ്പ്യൂട്ടര്‍ മൗസിന് രൂപംനല്‍കിയ പ്രശസ്ത കമ്പ്യൂട്ടര്‍ വിദഗ്ധന്‍ ഡോ.എന്‍ഗല്‍ബര്‍ട്ട് അന്തരിച്ചു. 88വയസായിരുന്നു. റേഡിയോ മെക്കാനിക്കിന്റെ മകനായി 1925 ജനവരി 30 ന് ഒറിഗണിലെ പോര്‍ട്ട്‌ലാന്‍ഡിലായിരുന്നു എന്‍ഗല്‍ബര്‍ട്ട് ജനിച്ചത്.ഒറിഗണ്‍ സ്‌റ്റേറ്റ് യൂണിവേഴ്‌സിറ്റിയില്‍ ഇലക്ട്രിക്കല്‍ എന്‍ജിനീയറിങ് പഠിച്ച അദ്ദേഹം, രണ്ടാംലോകമഹായുദ്ധകാലത്ത് ഒരു റഡാര്‍ വിദഗ്ധനായി പ്രവര്‍‍ത്തിച്ചു. കമ്പ്യൂട്ടര്‍ മൗസ് ഉള്‍പ്പടെ, ആശയവിനിമയരംഗത്തും തൊഴില്‍ മേഖലയിലും വിനോദരംഗത്തും വിപ്ലവകരമായ മാറ്റങ്ങള്‍ക്ക് വഴിയൊരുക്കിയ സാങ്കേതികവിദ്യകള്‍ക്ക് രൂപംനല്‍കിയ വ്യക്തിയായിരുന്നു അദ്ദേഹം.ശരിക്കുപറഞ്ഞാല്‍ പേഴ്‌സണല്‍ കമ്പ്യൂട്ടറുകളുടെ വരവിന് വഴിമരുന്നിടുന്ന മുന്നേറ്റം മൗസിന്റെ കണ്ടുപിടിക്കലിലൂടെ എന്‍ഗല്‍ബര്‍ട്ടാണ് നടത്തിയത്. 1960 കളില്‍ രൂപപ്പെടുത്തിയ
കമ്പ്യൂട്ടര്‍ മൗസിന് 1970ല്‍ എന്‍ഗല്‍ബര്‍ട്ട് പേറ്റന്റ് സ്വന്തമാക്കി.കാലിഫോര്‍ണിയയില്‍ സ്റ്റാന്‍ഫഡ് റിസര്‍ച്ച് ഇന്‍സ്റ്റിട്ട്യൂട്ടില്‍ പ്രവര്‍ത്തിക്കുന്ന വേളയിലായിരുന്നു എന്‍ഗല്‍ബര്‍ട്ട് കമ്പ്യൂട്ടര്‍ മൗസിന് രൂപംനല്‍കിയത്.
Leave a Reply