Welcome to NIRBHAYAM.COM | Kerala’s No. 1 News Portal
തിരുവനന്തപുരം: ഇന്ധനവില വര്ധനവില് പ്രതിഷേധിച്ച് ബിഎംഎസ് ഒഴികെയുള്ള തൊഴിലാളി യൂണിയനുകള് പ്രഖ്യാപിച്ച മോട്ടോര് വാഹന പണിമുടക്ക് തുടരുന്നു. രാവിലെ ആറുമുതല് വൈകിട്ട് ആറുവരെയാണ് പണിമുടക്ക്.
ടാക്സികള്ക്ക് പുറമെ സ്വകാര്യ ബസുകളും കെഎസ്ആര്ടിസി ബസുകളും പണിമുടക്കുന്നതോടെ പൊതുഗതാഗതം സ്തംഭിക്കും. സമരം ഒഴിവാക്കുന്നതിന് കെഎസ്ആര്ടിസിയിലെ തൊഴിലാളി സംഘടനകളുമായി മുഖ്യമന്ത്രി ചര്ച്ച നടത്തിയെങ്കിലും പരാജയപ്പെട്ടു.
അതേസമയം, നിരത്തിലിറങ്ങുന്ന സ്വകാര്യ വാഹനങ്ങള് തടയില്ലെന്ന് സമര സമിതി വ്യക്തമാക്കിയിട്ടുണ്ട്. പണിമുടക്കിന്റെ പശ്ചാത്തലത്തില് സര്വകലാശാലാ പരീക്ഷകള് മാറ്റിയെങ്കിലും പിഎസ്സി പരീക്ഷകള് മുടക്കമില്ലാതെ നടക്കും. എംജി സര്വകലാശാല ഇന്ന് നടത്താനിരുന്ന എല്ലാ പരീക്ഷകളും മാറ്റിവച്ചു. പുതുക്കിയ തീയതി പിന്നീട് അറിയിക്കും. ആരോഗ്യ സര്വകലാശാലയും ഇന്നത്തെ എഴുത്തു പരീക്ഷകള് മാറ്റിവെച്ചിട്ടുണ്ട്.
ഓട്ടോ ടാക്സികള്ക്ക് പുറമെ ചരക്കുലോറികളും സ്വകാര്യബസുകളും പണിമുടക്കില് പങ്കെടുക്കും. കെഎസ്ആര്ടിസിയിലെ ബിഎംഎസ് ഒഴിച്ചുള്ള യൂണിയനുകളെല്ലാം സമരത്തിനുണ്ട്.
പൊതുഗതാഗത സംവിധാനം പൂര്ണമായും മുടങ്ങുന്നത് സര്ക്കാര് ഓഫിസുകളുടെയും വിദ്യാഭ്യാസ സ്ഥാപനങ്ങളുടെയും പ്രവര്ത്തനത്തെ ബാധിക്കും. സ്പെയര് പാര്ട്സുകള് വില്ക്കുന്ന കടകള്, വര്ക്ക് ഷോപ്പുകള് എന്നിവയും അടച്ചിടും.
കെഎസ്ആര്ടിസിയില് വ്യക്തമായ കാരണങ്ങളില്ലാതെ ജീവനക്കാര്ക്ക് അവധി നല്കരുതെന്നും പൊലീസ് സംരക്ഷണത്തോടെ പരാമവധി സര്വീസുകള് നടത്തണമെന്നും എംഡി ഉത്തരവിട്ടിട്ടുണ്ട്.
Leave a Reply