Welcome to NIRBHAYAM.COM | Kerala’s No. 1 News Portal
April 16, 2024 5:21 pm
Published on December 3, 2014 at 2:56 pm
ആകര്‍ഷകമായ ഓഫറുകളുമായി ഗൂഗിളിൻറെ ഓണ്‍ലൈന്‍ ഷോപ്പിംഗ് ഫെസ്റ്റിവല്‍!
ആകര്‍ഷകമായ ഓഫറുകളുമായി വീണ്ടുമൊരു ഗൂഗിള്‍ ഷോപ്പിംഗ് ഫെസ്റ്റിവല്‍ വരുന്നു. ഡിസംബര്‍ 10,11,12 തിയ്യതികളാണ് ഷോപ്പിംഗ് ഫെസ്റ്റ് നടക്കുക.450 പങ്കാളികളെ ഉള്‍പ്പെടുത്തി 72 മണിക്കൂര്‍ നീണ്ട് നില്‍ക്കുന്ന ഷോപ്പിംഗ് മാമാങ്കം നടത്താനാണ് ഗൂഗിള്‍ തീരുമാനിച്ചിരിക്കുന്നത്. മേളയില്‍ രാജ്യത്തെ പ്രമുഖ ഇ-കൊമേഴ്‌സ് സ്ഥാപനങ്ങള്‍ക്കൊപ്പം കണ്‍സ്യൂമര്‍ ഉല്‍പന്നം, എഫ് എം സി ജി വിഭാഗങ്ങളിലെ നിര്‍മാതാക്കളും പങ്കെടുക്കുന്നതാണ്. പലരും പുതിയ ഉത്പന്നങ്ങളാണ് ഈ ദിവസങ്ങളിൽ അവതരിപ്പിക്കുന്നത്. പുതിയ ഓണ്‍ലൈന്‍ ഉപയോക്താക്കള്‍ക്കായി വന്‍ ആനുകൂല്യങ്ങളാണ് ഗൂഗിൾ ഒരുക്കിയിട്ടുള്ളത്.ക്യാഷ് ഓണ്‍ ഡെലിവറി, ഓണ്‍ലൈന്‍ പേ സംവിധാനങ്ങളും ഒരുക്കിയിട്ടുണ്ട്. 300 ഓണ്‍ലൈന്‍, ഓഫ്‌ലൈന്‍ വ്യാപാരികളാണ് ഗൂഗിള്‍ ഷോപ്പിംഗ് ഫെസ്റ്റിവലില്‍ പങ്കെടുക്കുന്നത്. മോട്ടോറോള , എച്ച് പി, ലെനോവോ, ടാറ്റാ ഹൌസിംഗ്, കാര്‍ബണ്‍, വാന്‍ ഹ്യൂസന്‍, ഏഷ്യന്‍ പെയിന്റ്‌സ് എന്നീ ലോകോത്തര ബ്രാന്‍ഡുകളുടെ ഉത്പന്നങ്ങള്‍ ഷോപ്പിംഗ് ഫെസ്റ്റിവലിൽ ഉണ്ടാകുമെന്ന് ഗൂഗിൾ അറിയിച്ചു. 10 ലക്ഷം ഉപഭോക്താക്കളെ മേളയിലേക്ക് ആകര്‍ഷിക്കാനാവുമെന്നാണ് ഗൂഗിള്‍ പ്രതീക്ഷിക്കുന്നത്.
Leave a Reply