Welcome to NIRBHAYAM.COM | Kerala’s No. 1 News Portal
September 13, 2024 4:28 am
Published on September 2, 2015 at 9:43 am
ദേശീയ പണിമുടക്ക് തുടങ്ങി
തിരുവനന്തപുരം: കേന്ദ്ര സര്ക്കാരിന്റെ തൊഴിലാളി വിരുദ്ധ നടപടികള്ക്കെതിരെ തൊഴിലാളി സംഘടനകള് സംയുക്തമായി ആഹ്വാനം ചെയ്ത 24 മണിക്കൂര് ദേശീയ പണിമുടക്ക് തുടങ്ങി. ഇന്നു രാത്രി പന്ത്രണ്ടു വരെയാണ് പണിമുടക്ക്.തൊഴിലാളികളുടെ മിനിമം കൂലി പ്രതിമാസം 15,000 രൂപയാക്കുക, വിലക്കയറ്റം തടയുക, പൊതുമേഖലയെ സംരക്ഷിക്കുക, റെയില്വേ- പ്രതിരോധ മേഖലകളില് വിദേശനിക്ഷേപം അനുവദിക്കാനുള്ള നീക്കം ഉപേക്ഷിക്കുക തുടങ്ങിയ ആവശ്യങ്ങളുന്നയിച്ചാണ് പണിമുടക്ക്.ഐ.എന്.ടി.യു.സി, സി.ഐ.ടി.യു, എ.ഐ.ടി.യു.സി, എച്ച്.എം.എസ്, ടി.യു.സി.സി, സേവ, എ.ഐ.യു.ടി.യു.സി, എ.ഐ.സി.സി.ടി.യു, യു.ടി.യു.സി, എല്.പി.എഫ് എന്നിവയാണ് പണിമുടക്കില് പങ്കെടുക്കുന്നത്. ആശുപത്രി, പത്രം, പാല്വിതരണം തുടങ്ങിയ അവശ്യ സര്വീസുകളെയും ഹജ്ജ് തീര്ഥാടനവുമായി ബന്ധപ്പെട്ട പ്രവര്ത്തനങ്ങളെയും പണിമുടക്കില്നിന്ന് ഒഴിവാക്കിയിട്ടുണ്ട്. കൊച്ചി വ്യവസായമേഖല, കഞ്ചിക്കോട് വ്യവസായമേഖല, നിര്മാണമേഖല, പരമ്പരാഗത വ്യവസായമേഖല, കൊച്ചി പ്രത്യേക സാമ്പത്തികമേഖല എന്നിവ നിശ്ചലമായി. ടെക്നോപാര്ക്ക്, ഇന്ഫോപാര്ക്ക് ഐടി വ്യവസായമേഖലകളിലും ജീവനക്കാര് പണിമുടക്കിലാണ്. പണിമുടക്കിനെ തുടര്ന്ന് കേരളത്തില് വിവിധ സര്വകലാശാലകളും പിഎസ്സിയും ഇന്ന് നടത്താനിരുന്ന പരീക്ഷകളെല്ലാം മാറ്റിവെച്ചിട്ടുണ്ട്. അതേസമയം സംസ്ഥാന സര്ക്കാര് ജീവനക്കാര്ക്ക് ഡയസ്നോണ് പ്രഖ്യാപിച്ചു.അതേസമയം പണിമുടക്കില് പങ്കെടുക്കുന്നവര്ക്ക് ഡയസ്നോണ് ബാധകമാക്കുമെന്ന് സംസ്ഥാന സര്ക്കാര് വ്യക്തമാക്കി. സര്ക്കാര് ജീവനക്കാര്ക്കും അധ്യാപകര്ക്കും പ്രത്യേക സാഹചര്യങ്ങളിലൊഴികെ അവധി അനുവദിക്കില്ല. മുന്കൂര് അനുമതിയില്ലാതെ ജോലിക്ക് ഹാജരാകാത്ത താത്കാലിക ജീവനക്കാരെ പിരിച്ചുവിടും. ജോലിക്ക് എത്തുന്നവര്ക്ക് സംരക്ഷണം ഉറപ്പാക്കാന് ജില്ലാകളക്ടര്മാരും വകുപ്പ് തലവന്മാരും നടപടി സ്വീകരിക്കാനും സര്ക്കാര് ആവശ്യപ്പെട്ടിട്ടുണ്ട്.ജില്ലാ പോലീസ് മേധാവികള്ക്ക് ഇതുസംബന്ധിച്ച് നിര്ദ്ദേശം നല്കിയിട്ടുണ്ട്. നിര്ബന്ധിച്ച് കടകള് അടപ്പിക്കുകയോ, വാഹനങ്ങള് തടയുകയോ ചെയ്താല് നടപടി ഉണ്ടാകും.
Leave a Reply