Welcome to NIRBHAYAM.COM | Kerala’s No. 1 News Portal
November 16, 2025 11:14 pm
Published on January 17, 2019 at 10:13 am
മേഘാലയ ഖനി അപകടം ; 15 തൊഴിലാളികളിൽ ഒരു തൊഴിലാളിയുടെ മൃതദേഹം കണ്ടെത്തി
മേഘാലയ: മേഘാലയയിലെ അനധികൃതഖനിയില് കുടുങ്ങിപ്പോയ തൊഴിലാളികളില് ഒരാളുടെ മൃതദേഹം കണ്ടെത്തിയതായി റിപ്പോര്ട്ട്. 2018 ഡിസംബര് 13 ന് ഈസ്റ്റ് ജയന്തിയ ഹില്സ് ഡിസ്ട്രിക്ടിലെ അനധികൃത ഖനിയിലായിരുന്നു അപകടം. 15 തൊഴിലാളികളായിരുന്നു ഖനിയില് കുടുങ്ങിപ്പോയത്. ഇവരില് ഒരാളുടെ മൃതദേഹം ചൊവ്വാഴ്ച രക്ഷാപ്രവര്ത്തകര് കണ്ടെത്തിയതായി അധികൃതരെ ഉദ്ധരിച്ച് ന്യൂസ് 18 റിപ്പോര്ട്ട് ചെയ്തു. മൃതദേഹം എത്രയും വേഗം പുറത്തെത്തിക്കാനുള്ള ശ്രമത്തിലാണ് രക്ഷാപ്രവര്ത്തകര്.
ഇന്ത്യന് നാവികസേനയും ദേശീയ ദുരന്ത പ്രതികരണ സേനയും സംയുക്തമായാണ് തിരച്ചില് നടത്തുന്നത്. വെള്ളത്തിനടിയിലുള്ള വസ്തുക്കള് കണ്ടെത്താന് നാവികസേനയിലെ ഡൈവര്മാര് ഉപയോഗിക്കുന്ന അണ്ടര് വാട്ടര് റിമോട്ട്ലി ഓപറേറ്റഡ് വെഹിക്കിള് ഉപയോഗിച്ചു നടത്തിയ തിരച്ചിലിലാണ് ഖനിയുടെ ആഴമേറിയ ഭാഗത്തുനിന്ന് തൊഴിലാളികളില് ഒരാളുടെ മൃതദേഹം കണ്ടെത്തിയത്.
അപകടം നടന്ന് 12 ദിവസത്തിനു ശേഷമാണ് സംയുക്ത രക്ഷാപ്രവര്ത്തനം ആരംഭിച്ചത്. രക്ഷാപ്രവര്ത്തനം വൈകിയതില് വലിയ വിമര്ശനം ഉയര്ന്നിരുന്നു. അതേസമയം, ശക്തിയേറിയ പമ്പുസെറ്റുകള് ഉപയോഗിച്ച് ലക്ഷക്കണക്കിന് ലിറ്റര് വെള്ളം പമ്പ് ചെയ്തു കളഞ്ഞെങ്കിലും ഖനിക്കുള്ളിലെ ജലനിരപ്പ് ഇപ്പോഴും 350 അടിയായി തുടരുകയാണ്.
Leave a Reply