Welcome to NIRBHAYAM.COM | Kerala’s No. 1 News Portal
December 7, 2023 2:16 am
Published on December 1, 2014 at 9:56 am
പെട്രോള്‍, ഡീസല്‍ വില കുറച്ചു
ന്യൂഡല്‍ഹി: രാജ്യത്ത് പെട്രോള്‍, ഡീസല്‍ വില കുറച്ചു.പെട്രോൾ ലിറ്ററിന് 91 പൈസയും ഡീസൽ ലിറ്ററിന് 84 പൈസയുമാണ് കുറച്ചത്. പുതുക്കിയ നിരക്ക് ഇന്ന് അർദ്ധരാത്രി നിലവിൽ വരും. അന്തരാഷ്ട്ര വിപണിയിൽ എണ്ണ വിലയിലുണ്ടായ ഇടിവിനെ തുടർന്നാണ് വില കുറഞ്ഞത്.ആഗസ്റ്റിന് ശേഷം തുടര്‍ച്ചയായി ആറാം തവണയാണ് പെട്രോള്‍ വില കുറയുന്നത്. ഈ മാസം ഇത് മൂന്നാംതവണയാണ് ഇന്ധന വില കുറയ്ക്കുന്നത്. ഡീസല്‍ വില നിയന്ത്രണാധികാരം എണ്ണക്കമ്പനികള്‍ക്ക് നല്‍കിയശേഷമുള്ള ആദ്യത്തെ വിലകുറയ്ക്കലാണിത്.ഒക്ടോബര്‍ 18നാണ് ഡീസല്‍ വിലനിര്‍ണയാധികാരം എണ്ണക്കമ്പനികള്‍ക്ക് വിട്ടുകൊടുക്കാനുള്ള തീരുമാനം മന്ത്രിസഭ കൈക്കൊണ്ടത്. അന്ന് ഡീസലിന്റെ വില ലിറ്ററിന് 3.37 രൂപ കുറയ്ക്കുകയും ചെയ്തിരുന്നു. പെട്രോള്‍ വില നിയന്ത്രണം എണ്ണക്കമ്പനികള്‍ക്ക് കൈമാറിയത് യു.പി.എ സര്‍ക്കാരിന്റെ കാലത്തായിരുന്നു.വിലകുറയുന്നതോടെ പെട്രോള്‍ വില 16മാസം മുമ്പുണ്ടായിരുന്ന അതേ നിലയിലാവും. ഡീസല്‍ വിലയാകട്ടെ ഒരു വര്‍ഷം മുമ്പുണ്ടായിരുന്ന നിലക്കിലും.അന്താരാഷ്ട്ര വിപണിയില്‍ രണ്ടാഴ്ച മുമ്പാണ് ക്രൂഡ് ഓയില്‍ വില കുറഞ്ഞത്. നാല് വര്‍ഷത്തെ ഏറ്റവും താഴ്ന്ന വിലയായ ബാരലിന് 82.60 ഡോളര്‍ എന്ന നിലയിലാണ് ക്രൂഡ് ഓയില്‍ വിലയിപ്പോള്‍.
Leave a Reply