Welcome to NIRBHAYAM.COM | Kerala’s No. 1 News Portal
November 16, 2025 11:37 pm
Published on July 2, 2018 at 9:14 am
മഹാരാജാസ് കോളേജിൽ എസ് എഫ് ഐ പ്രവര്ത്തകൻ കുത്തേറ്റ് മരിച്ചു
കൊച്ചി: എറണാകുളം മഹാരാജാസ് കോളേജിൽ തിങ്കളാഴ്ച പുലർച്ചെയുണ്ടായ സംഘർഷത്തിൽ ഒരു വിദ്യാർഥി കുത്തേറ്റ് മരിച്ചു. മഹാരാജാസ് കോളേജ് രണ്ടാം വര്ഷ കെമിസ്ട്രി വിദ്യാര്ഥിയും എസ്.എഫ്.ഐ നേതാവുമായി ഇടുക്കി മറയൂര് സ്വദേശി അഭിമന്യു (20)വാണ് മരിച്ചത്.
കോട്ടയം സ്വദേശിയായ അര്ജുന് (19)എന്ന വിദ്യാര്ഥിക്കും ആക്രമണത്തില് ഗുരുതരമായി പരിക്കേറ്റു. ഇയാളെ എറണാകുളം മെഡിക്കല് ട്രസ്റ്റ് ആശുപത്രിയില് അടിയന്തര ശസ്ത്രക്രിയക്ക് വിധേയനാക്കി.അർജുൻ അപകടനില തരണം ചെയ്തിട്ടില്ല. എസ് എഫ് ഐ ഇടുക്കി ജില്ലാ കമ്മറ്റി അംഗമാണ് അഭിമന്യു.
തിങ്കളാഴ്ച പുലര്ച്ചെ പന്ത്രണ്ടരയോടെയാണ് സംഭവം.
സംഭവവുമായി ബന്ധപ്പെട്ട് മൂന്നു പേരെ പോലീസ് കസ്റ്റഡിയില് എടുത്തു. ഇവര് കാമ്പസ് ഫ്രണ്ട് പ്രവര്ത്തകരാണെന്ന് പോലീസ് പറഞ്ഞു.
തിങ്കളാഴ്ച പുതിയ അധ്യയന വര്ഷം തുടങ്ങുകയാണ്. വിദ്യാര്ഥികളെ സ്വാഗതം ചെയ്തുകൊണ്ടുള്ള പോസ്റ്റര് പതിക്കുന്നതുമായി ബന്ധപ്പെട്ടാണ് തര്ക്കമുണ്ടായത്. പുറത്തുനിന്ന് എത്തിയവരും പോസ്റ്റര് പതിക്കാന് ഉണ്ടായിരുന്നതായി പോലീസ് പറഞ്ഞു. കസ്റ്റഡിയിലുള്ള ഒരാള് 37 വയസ്സുള്ള ആളാണ്.
Leave a Reply