Welcome to NIRBHAYAM.COM | Kerala’s No. 1 News Portal
April 22, 2025 12:18 pm
Published on June 15, 2015 at 11:30 am
ലോകത്തെ ആദ്യ ലിംഗമാറ്റ ശസ്ത്രക്രിയയ്ക്ക് വിധേയനായ യുവാവ് അച്ഛനാകുന്നു
കോപ്ടൗണ്‍ : വൈദ്യ ശാസ്ത്ര രംഗത്ത് പുതിയൊരു നാഴികകല്ല് കൂടി.ലോകത്തെ ആദ്യ ലിംഗമാറ്റ ശസ്ത്രക്രിയയ്ക്ക് വിധേയനായ യുവാവ് അച്ഛനാകുന്നു.ദക്ഷിണാഫ്രിക്കക്കാരനായ 22 കാരനാണ് ശസ്ത്രക്രിയയിലൂടെ ലിംഗം വച്ചുപിടിപ്പിച്ച് മാസങ്ങള്‍ക്കുള്ളില്‍ അച്ഛനാകുന്നത്.കഴിഞ്ഞ മാര്‍ച്ചിലായിരുന്നു 10 മണിക്കൂര്‍ നീണ്ട ഓപ്പറേഷനിലൂടെ ട്രാന്‍സ്പ്ലാന്റേഷന്‍ നടന്നത്. ലിംഗം പൂര്‍ണമായും പ്രവര്‍ത്തനക്ഷമമാകാന്‍ രണ്ടുവര്‍ഷമാണ് ഡോക്ടര്‍മാര്‍ പ്രതീക്ഷിച്ചിരുന്നത്. എന്നാല്‍, അതിലും നേരത്തെ യുവാവിന്റെ നില മെച്ചപ്പെട്ട. ഒാപ്പറേഷന് അഞ്ചാഴ്ചകൾക്കുശേഷംതന്നെ യുവാവ് സാധാരണ ലൈംഗികക്രിയകളിൽ ഏർപ്പെടാൻ സജ്ജനായിരുന്നു.ഒടുവില്‍ ഡോക്ടര്‍മാര്‍ക്കും അത്ഭുതമായി യുവാവിന്റെ കാമുകി ഗര്‍ഭിണിയായതായി സ്ഥിരീകരിച്ചു.ദക്ഷിണാഫ്രിക്കയിലെ കേപ് ടൗണിലെ ടൈഗര്‍ബര്‍ഗ് ഹോസ്പിറ്റലും, സ്‌റ്റെല്ലന്‍ബോഷ് യൂണിവേഴ്‌സിറ്റിയും ചേര്‍ന്ന് നടത്തിയ പൈലറ്റ് സ്റ്റഡിയുടെ ഭാഗമായാണ് യുവാവിന് ലിംഗം വച്ചുപിടിപ്പിച്ചത്. ദക്ഷിണാഫ്രിക്കയിലെ ഷോസ ഗോത്രവര്‍ഗക്കാര്‍ ചെറുപ്പക്കാര്‍ പ്രായപൂര്‍ത്തിയാകുമ്പോള്‍ അഗ്രചര്‍മം ഛേദിക്കുന്ന ചടങ്ങ് നടത്താറുണ്ട്. ഇത് പല ആരോഗ്യപ്രശ്‌നങ്ങള്‍ സൃഷ്ടിക്കുകയും വര്‍ഷത്തില്‍ 250 പേരുടെയെങ്കിലും ലിംഗം മുറിച്ചുമാറ്റെണ്ട അവസ്ഥ വരുകയും ചെയ്യാറുണ്ട്. ഇത്തരത്തില്‍ ലിംഗം നഷ്ടപ്പെട്ട യുവാവിനാണ് പുതിയ ലിംഗം മാറ്റിവയ്ക്കല്‍ ശസ്ത്രക്രിയ നടത്തിയത്.
Leave a Reply