Welcome to NIRBHAYAM.COM | Kerala’s No. 1 News Portal
ബൊഗോട്ട : കൊളംബിയയിലെ വടക്ക് പടിഞ്ഞാറൻ മേഖലകളിലുണ്ടായ ഉരുള്പൊട്ടലില് 62 പേര് മരിച്ചു. 40 പേര്ക്ക് പരിക്കേറ്റു. നിരവധി പേരെ കാണാതായി.തിങ്കളാഴ്ച പുലര്െച്ച മൂന്നുമണിയോടെ സാള്ഗാറിലാണു ഉരുൾപൊട്ടൽ ഉണ്ടായത്.മരണസംഖ്യ ഉയർന്നേക്കുമെന്നാണ് റിപ്പോർട്ടുകൾ.നിരവധി വീടുകളും കെട്ടിടങ്ങളും പാലങ്ങളും തകര്ന്നിട്ടുമുണ്ട്. വൈദ്യുതി, കുടിവെള്ള വിതരണം പുനഃസ്ഥാപിക്കാനായിട്ടില്ല. കനത്ത മഴയെ തുടർന്ന് ലാ ലിബോറിയാന മലയിടുക്കിലെ മണ്ണിടിഞ്ഞ് ചെളി വെള്ളം താഴേയ്ക്ക് കുത്തിയൊഴുകുകയായിരുന്നു. തെരുവുകളിലെല്ലാം ചെളി കെട്ടിക്കിടക്കുകയാണ്. മലയോര പ്രദേശങ്ങളിലെ വീടുകൾ തകർന്നു വീണു. കെട്ടിടാവശിഷ്ടങ്ങൾക്കിടയിൽ കുടുങ്ങിക്കിടക്കുന്നവരെ രക്ഷപെടുത്താനായി അടിഞ്ഞുകൂടിയ ചെളിയും മറ്റും നീക്കം ചെയ്യുകയാണ് പ്രദേശവാസികൾ. എത്ര പേരെയാണ് കാണാതായിരിക്കുന്നതെന്ന് ഇനിയും കൃത്യമായി വിവരം ലഭിച്ചിട്ടില്ല. ഇനിയും മണ്ണിടിച്ചിൽ ഉണ്ടാകാനുള്ള സാധ്യതയുണ്ടെന്നാണ് അധികൃതർ പറയുന്നത്. രക്ഷാ സൈന്യം സ്ഥലത്ത് രക്ഷാപ്രവർത്തനം നടത്തുകയാണ്.