Welcome to NIRBHAYAM.COM | Kerala’s No. 1 News Portal
December 14, 2025 10:09 am
Published on March 13, 2018 at 10:25 am
കേരളത്തില് ശക്തമായ കാറ്റിനും മഴയ്ക്കും സാധ്യത
തിരുവനന്തപുരം : കേരളത്തില് ശക്തമായ കാറ്റിനും മഴയ്ക്കും സാധ്യതയുണ്ടെന്ന് കാലാവസ്ഥാ കേന്ദ്രത്തിന്റെ മുന്നറിയിപ്പ്. മത്സ്യത്തൊഴിലാളികള് കടലില് പോകരുതെന്ന് ദുരന്തനിവാരണ അതോറിറ്റിയും കാലാവസ്ഥാ നിരീക്ഷണകേന്ദ്രവും മുന്നറിയിപ്പുനല്കിയിട്ടുണ്ട്. കന്യാകുമാരി തീരത്ത് രൂപപ്പെട്ട ന്യൂനമര്ദ്ദം ശക്തമായി തുടരുകയാണ്. തെക്കൻ കേരളത്തിലും തമിഴ്നാട്ടിലും ഇന്നും നാളെയും കനത്ത ഒറ്റപ്പെട്ട മഴയ്ക്ക് സാധ്യതയുണ്ട്. കാറ്റിന്റെ വേഗം മണിക്കൂറിൽ 60 കിലോമീറ്റര് വരെയാകാനാണ് സാധ്യത. കോഴിക്കോടുവരെയുള്ള തീരപ്രദേശത്ത് 3.2 മീറ്റര്വരെ ഉയരത്തില് തിരയ്ക്ക് സാധ്യതയുള്ളതായി ഇന്ത്യന് നാഷണല് സെന്റര് ഫോര് ഓഷന് ഇന്ഫര്മേഷന് സര്വീസസ് (ഇന്കോയിസ്) അറിയിച്ചിട്ടുണ്ട്. ഓഖിക്ക് ശേഷം ഏറ്റവും ജാഗ്രത പുലര്ത്തേണ്ട ദിവസങ്ങളെന്നാണ് ഇനിയുള്ള മൂന്ന് ദിവസത്തെ കാലാവസ്ഥാ നിരീക്ഷണ കേന്ദ്രവും സംസ്ഥാന സര്ക്കാരിന്റെ വിവിധ ഏജന്സികളും വിലയിരുത്തിയത്. പുറംകടലിൽ ഉള്ളവരെ തിരിച്ചെത്തിക്കാൻ കോസ്റ്റ്ഗാർഡിന്റെയും നേവിയുടെയും സേവനം ഉപയോഗിക്കുന്നുണ്ടെന്ന് ഉദ്യോഗസ്ഥർ അറിയിച്ചു.
Leave a Reply