Welcome to NIRBHAYAM.COM | Kerala’s No. 1 News Portal
March 10, 2026 2:14 pm
Published on February 19, 2014 at 5:28 pm
ആന്ധ്ര മുഖ്യമന്ത്രി കിരണ് കുമാര് റെഡ്ഡി രാജിവച്ചു
ഹൈദരാബാദ്: ആന്ധ്ര വിഭജനത്തില് പ്രതിഷേധിച്ച് ആന്ധപ്രദേശ് മുഖ്യമന്ത്രി കിരണ് കുമാര് റെഡ്ഡി രാജിവെച്ചു.എം.എല്.എ സ്ഥാനവും കോണ്ഗ്രസ് പാര്ട്ടിയിലെ അംഗത്വവും രാജി വെച്ചതായും അദ്ദേഹം അറിയിച്ചു. രാജി വെച്ചതിനു ശേഷം റെഡ്ഡി പുതിയ പാര്ട്ടി രൂപീകരിക്കുമെന്നാണ് അറിയുന്നത്. മുഖ്യമന്ത്രിക്കൊപ്പം 50 എംഎല്എമാരും രാജിവെക്കുന്നുണ്ട്. ലോക്സഭ ഇന്നലെ തെലങ്കാന ബില് പാസാക്കിയതില് പ്രതിഷേധിച്ചാണ് കിരണ് കുമാര് റെഡ്ഡി രാജിവെച്ചത്. . ബില് ലോക്സഭ പാസാക്കിയാല് മുഖ്യമന്ത്രി സ്ഥാനവും കോണ്ഗ്രസ് പാര്ട്ടിയില് നിന്നും രാജി വെക്കുമെന്ന് കിരണ് കുമാര് റെഡ്ഡി നേരത്തെ വ്യക്തമാക്കിയിരുന്നു. ഗവര്ണറെ കണ്ടതിനു ശേഷം റെഡ്ഡി വാര്ത്താ സമ്മേളനം നടത്തിയാണ് രാജിക്കാര്യം പുറത്ത് വിട്ടത്. തെലങ്കാന രൂപീകരണത്തില് തുടക്കം മുതല് തന്നെ കിരണ് കുമാര് റെഡ്ഡി എതിര്പ്പ് പ്രകടിപ്പിച്ചിരുന്നു. തെലങ്കാന രൂപീകരണത്തെ എതിര്ക്കുന്ന ആന്ധ്രയില് നിന്നുള്ള കേന്ദ്രമന്ത്രിമാരുടെയും എംപിമാരുടെയും എതിര്പ്പ് അവഗണിച്ചാണ് കേന്ദ്രം ബില് പാസാക്കിയത്. അതേസമയം തെലങ്കാന ബില് ഇന്ന് രാജ്യസഭ പരിഗണിക്കും. ബില്ലില് ഭേദഗതി വരുത്തണമെന്ന് ബിജെപി ആവശ്യപ്പെടും. അങ്ങനെയെങ്കില് ബില് വീണ്ടും ലോക്സഭയുടെ പരിഗണനയ്ക്ക് വരും
Leave a Reply