Welcome to NIRBHAYAM.COM | Kerala’s No. 1 News Portal
December 14, 2025 10:09 am
Published on July 14, 2017 at 12:36 pm
ദിലീപ് ഒത്തുതീര്പ്പിനു ശ്രമം നടത്തിയെന്ന് പള്സര് സുനിയുടെ മൊഴി
കൊച്ചി: നടിയെ ആക്രമിച്ച കേസിലെ മുഖ്യപ്രതി പള്സര് സുനിയും ഇതേ കേസിലെ ഗൂഢാലോചനക്കുറ്റത്തിന് അറസ്റ്റിലായ നടന് ദിലീപുമായി ഒത്തുതീര്പ്പ് ശ്രമം നടന്നതായി വെളിപ്പെടുത്തല്.
സുനി ജയിലില്വച്ച് എഴുതിയ കത്ത് ദിലീപിനു ലഭിച്ചതിനു പിന്നാലെയാണ് ഒത്തുതീര്പ്പിനു ശ്രമം നടന്നതെന്നാണ് വിവരം. എന്നാല്, വിഷ്ണു ഉള്പ്പെടെയുള്ള സുനിയുടെ സഹതടവുകാര് വിവരം അറിഞ്ഞതോടെ നീക്കം പാളുകയായിരുന്നു.
ഇതോടെയാണ് ദിലീപ് ബ്ലാക് മെയിലിങ് പരാതിയുമായി പൊലീസിനെ സമീപിച്ചതെന്നാണ് വെളിപ്പെടുത്തല്. പള്സര് സുനിയാണ് ഇക്കാര്യം ചോദ്യം ചെയ്യലില് വ്യക്തമാക്കിയത്.
കേസിലെ മുഖ്യപ്രതിയായ പള്സര് സുനിയുടെ സഹ തടവുകാരനായിരുന്ന വിഷ്ണു, തന്റെ സുഹൃത്തായ സംവിധായകന് നാദിര്ഷായെയും മാനേജര് അപ്പുണ്ണിയെയും ഫോണ് ചെയ്തു ബ്ലാക്ക് മെയില് ചെയ്യാന് ശ്രമിച്ചു എന്നു നടന് ദിലീപ് ഡിജിപിക്ക് കഴിഞ്ഞ ഏപ്രില് 20നു നല്കിയ പരാതിയാണ് കേസ് വീണ്ടും സജീവമാക്കിയത്. പിന്നീടു സുനില് ജയിലില് നിന്നു മറ്റൊരാളുടെ സഹായത്തോടെ ദിലീപിന് എഴുതിയ കത്തും പുറത്തായി.
ജയിലിലേക്ക് ഒളിച്ചു കടത്തിയ മൊബൈല് ഫോണിലൂടെയും ജയിലിലെ ലാന്ഡ് ഫോണില് നിന്നു സുനില് നാദിര്ഷായെയും അപ്പുണ്ണിയെയും വിളിച്ചതായും തിരിച്ചു ജയിലിലേക്കു സുനിലിന് ഇവരുടെ വിളിയെത്തിയതായും ഫോണ് രേഖകളില് നിന്നു പൊലീസിനു വ്യക്തമായിട്ടുണ്ട്.
Leave a Reply