Welcome to NIRBHAYAM.COM | Kerala’s No. 1 News Portal
December 13, 2025 2:51 pm
Published on August 25, 2017 at 12:47 pm
ദിലീപിന് വേണ്ടി പള്ളിയില് പ്രാര്ത്ഥന; വിശദീകരണവുമായി ഫാ. ആന്ഡ്രൂസ് പുത്തന്പറമ്പില്
കൊച്ചി: നടി ആക്രമിക്കപ്പെട്ട കേസില് ജയിലില് കഴിയുന്ന നടന് ദിലീപിന് അനുകൂലമായി പള്ളിയില് പ്രസംഗിച്ചെന്ന വാര്ത്തയില് വിശദീകരണവുമായി ഫാ. ആന്ഡ്രൂസ് പുത്തന്പറമ്പില്.
വിശ്വാസത്തിലേക്ക് തിരിഞ്ഞ നിരവധി പേരുടെ കാര്യങ്ങള് സൂചിപ്പിക്കുക മാത്രമായിരുന്നുവെന്ന് ഫാ. ആന്ഡ്രൂസ് പറഞ്ഞു. ദിലീപിനായി പ്രാര്ത്ഥിക്കണമെന്ന് എന്ന് ആവശ്യപ്പെട്ടിട്ടില്ലെന്നും അദ്ദേഹം പറയുന്നു. കുറ്റക്കാരനാണെങ്കില് ശിക്ഷിക്കപ്പെടണം. പ്രാര്ത്ഥിക്കാന് ആവശ്യപ്പെട്ടെങ്കില് തന്നെ എന്താണ് തെറ്റെന്നും അദ്ദേഹം ചോദിച്ചു.
പള്ളിയില് നടന്ന പ്രാര്ത്ഥനയില് ഒരാളുടെയും പേരെടുത്ത് പരാമര്ശിച്ചിട്ടില്ലെന്നും ക്രിക്കറ്റ് താരം ശ്രീശാന്ത്, നടി മോഹിനി തുടങ്ങിയവരുടെ കാര്യം പറഞ്ഞിനിടെയാണ് ദിലീപിനെ കുറിച്ച് പറഞ്ഞതെന്നും ഫാ. ആന്ഡ്രൂസ് കൂട്ടിച്ചേര്ത്തു.
ദിലീപ് ജയിലില് ബൈബിള് വായിച്ചിരിക്കുകയാണെന്ന് വാര്ത്ത വന്നിരുന്നു. ഇവര് വിശ്വാസത്തിലേക്ക് തിരിഞ്ഞത് പോലെ എല്ലാവരും വിശ്വാസം മുറുകെ പിടിക്കണം എന്ന് സൂചിപ്പിക്കാനായിരുന്നു ഇതെന്നും അദ്ദേഹം വ്യക്തമാക്കി.
ജയിലില് കഴിയുന്ന ദിലീപ് വിശ്വാസത്തിലേക്ക് തിരിഞ്ഞെന്ന് സൂചിപ്പിച്ചായിരുന്നു ഫാ. ആന്ഡ്രൂസ് പുത്തന്പറമ്പിലിന്റെ പ്രസംഗം.
പ്രമാദമായ കേസിലെ ഒരു പ്രതി ജയിലില് സങ്കീര്ത്തനം വായിച്ചിരിക്കുകയാണ്. ജയിലിലെത്തിയ കന്യാസ്ത്രീയോട് എല്ലാം തുറന്ന് പറഞ്ഞിരുന്നു. നിരപരാധിയോ അപരാധിയോ ആകട്ടെ എത്രയോ പേര് ജയിലില് കഴിയുന്നു. വിധി വരുന്നത് വരെ കാത്തിരിക്കാം. പക്ഷെ പ്രത്യേക സാഹര്യത്തില് ജയിലില് അകപ്പെട്ടപ്പോള് ഇയാള് സങ്കീര്ത്തനം വായിച്ചിരിക്കുകയാണ്. നിങ്ങളും ഇത് പോലുള്ള സാഹചര്യങ്ങളില് വിശ്വാസം മുറുകെ പിടിക്കണം’- ഇങ്ങനെയായിരുന്നു ഫാ. ആന്ഡ്രൂസിന്റെ പ്രസംഗം.
ക്രിക്കറ്റ് താരം ശ്രീശാന്ത് സെന്റ് ആന്റണീസ് പള്ളിയിലെ സ്ഥിരം സന്ദര്ശകനാണ്. ശ്രീശാന്തിന്റെ വിലക്ക് ഹൈക്കോടതി നീക്കിയതിന് പിന്നാലെയും അദ്ദേഹം പളളിയിലെത്തിയിരുന്നു, കൂടാതെ നടി മോഹിനി ക്രിസ്ത്യാനിയായി മതം മാറി സുവിശേഷം പ്രസംഗിക്കുന്നതും നേരത്തെ വാര്ത്തയായിരുന്നു.
Leave a Reply