Welcome to NIRBHAYAM.COM | Kerala’s No. 1 News Portal
December 14, 2025 10:15 am
Published on April 18, 2016 at 12:08 pm
ആറ്റിങ്ങല് ഇരട്ടക്കൊലക്കേസ്: നിനോ മാത്യുവിന് വധശിക്ഷ; അനുശാന്തിക്ക് ഇരട്ടജീവപര്യന്തം
തിരുവനന്തപുരം: കേരളക്കരയാകെ ഞെട്ടിച്ച ആറ്റിങ്ങല് ഇരട്ടക്കൊലപാതക കേസിലെ ഒന്നാം പ്രതി നിനോ മാത്യുവിന് വധശിക്ഷയും, കൂട്ടുപ്രതി അനുശാന്തിക്ക് ഇരട്ട ജീവപര്യന്തം ശിക്ഷയും കോടതി വിധിച്ചു.തിരുവനന്തപുരം പ്രിന്സിപ്പല് സെഷന്സ് കോടതിയുടേതാണ് വിധി.ഇരുവരും 50 ലക്ഷം രൂപ വീതം പിഴയൊടുക്കണം. പിഴയായി ലഭിക്കുന്ന തുകയില് നിന്ന് 50 ലക്ഷം രൂപ നിനോയുടെ ആക്രമണത്തില് പരിക്കേറ്റ അനുശാന്തിയുടെ ഭര്ത്താവ് ലിജേഷിനും 30 ലക്ഷം രൂപ ലിജേഷിന്റെ പിതാവിനും നല്കാന് കോടതി ഉത്തരവിട്ടു. തിരുവനന്തപുരം പ്രിന്സിപ്പല് സെഷന്സ് ജഡ്ജി വി.ഷെർസാണ് വിധി പ്രസ്താവിച്ചത്.സ്വന്തം കുഞ്ഞിനേക്കാള് പ്രായം കുറഞ്ഞ കുഞ്ഞിനെ ക്രൂരമായി കൊന്നു. കേസ് അപൂര്വങ്ങളില് അപൂര്വമെന്നും കോടതി പറഞ്ഞു. മാതൃത്വത്തിന് തന്നെ അപമാനമായ പ്രവൃത്തിക്കാണ് രണ്ടാം പ്രതി അനുശാന്തി കൂട്ടുനിന്നതെന്നും സമാനതകളില്ലാത്ത ക്രൂരതയാണ് ഒന്നാം പ്രതി പിഞ്ചുകുഞ്ഞിനോടും വൃദ്ധയോടും കാട്ടിയതെന്നും കോടതി നിരീക്ഷിച്ചു. ഗൂഢാലോചന, കൊലപാതകം, തെളിവ് നശിപ്പിക്കല് എന്നീ കുറ്റങ്ങള് ആണ് തെളിഞ്ഞത്. 2014 ഏപ്രില് 16-നായിരുന്നു കേസിനാസ്പദമായ കൊലപാതകം. അനുശാന്തിയുടെ ഭര്ത്താവ് ലിജേഷിന്റെ അമ്മ ആലംകോട് മണ്ണൂര്ഭാഗം തുഷാരത്തില് ഓമന (57), മകള് സ്വസ്തിക (4) എന്നിവരാണു കൊല്ലപ്പെട്ടത്. വെട്ടേറ്റ ഭര്ത്താവ് ലിജേഷ് തലനാരിഴയ്ക്കാണ് രക്ഷപ്പെട്ടത്. അനുശാന്തിയുമായി ഒരുമിച്ച് ജീവിക്കാനാണ് നിനോ മാത്യു കൊലപാതകം നടത്തിയത്.സംഭവ ശേഷം സ്ഥലത്തു നിന്നും രക്ഷപെടാന് ശ്രമിച്ച നിനോയെ ഉടന് തന്നെ പോലീസ് അറസ്റ്റ് ചെയ്തു. അനുശാന്തിയുടെ പെരുമാറ്റത്തിലും സംശയം തോന്നിയ പോലീസ് ഇരുവരെയും ചോദ്യം ചെയ്തതോടെയാണ് ഞെട്ടിപ്പിക്കുന്ന കൊലപാതക കഥ പുറത്തായത്.
Leave a Reply