Welcome to NIRBHAYAM.COM | Kerala’s No. 1 News Portal
March 18, 2026 10:33 pm
Published on August 17, 2016 at 10:14 am
ഗൃഹാതുര സ്മരണകള് ഉണര്ത്തി ഒരു പൊന്നിന് ചിങ്ങം കൂടി….മലയാളികൾക്ക് ഇനി ഓണനാളുകള്..!!
ഇന്ന് ചിങ്ങം ഒന്ന്….മലയാളികൾക്ക് ഇനി സമൃദ്ധിയുടെ ഓണനാളുകള്. കള്ളക്കര്ക്കിടകം മാറി കര്ഷകന്റെ ഉണര്ത്തു പാട്ടാണ് ചിങ്ങപ്പുലരി. പൂവിളികള് ഉയരുന്ന കാലം കൂടിയാണ് ചിങ്ങം. കഴിഞ്ഞ തവണത്തേക്കാള് അല്പം കൂടി വൈകിയാണ് ഇത്തവണ പൂവിളി എത്തുന്നത്.ഏത് നാട്ടില് കഴിഞ്ഞാലും വീടേതു മാറിയാലും മലയാളിയുടെ മനസില് ഒരിക്കലും വറ്റാത്ത വികാരമാണ് ചിങ്ങമാസവും പൊന്നോണവും. മുറ്റത്തെ ഊഞ്ഞാലും അത്തപ്പൂക്കളുവുമെല്ലാം മലയാളിയുടെ മനസിലെ മായാത്ത സ്മരണകളാണ്. കാര്ഷിക കേരളത്തിന്റെ കൊയ്ത്തുകാലം കൂടിയാണ് ചിങ്ങം. പാടം നിറയെ വിളഞ്ഞുകിടക്കുന്ന സ്വര്ണ്ണ നിറമുള്ള പ്രതീക്ഷകള്. ചിങ്ങം ഒന്ന് കര്ഷക ദിനം കൂടിയാണ്.
മാവേലി തമ്പുരാനെ വരവേല്ക്കാന് മനുഷ്യര് മാത്രമല്ല, പ്രകൃതിയും അണിഞ്ഞൊരുങ്ങുന്ന മാസം കൂടിയാണ് ചിങ്ങം. നിറയെ പൂത്തു നില്ക്കുന്ന തുമ്പയും തെച്ചിയും ചെമ്പകവുമെല്ലാം മാവേലി മന്നനായി കാത്തിരിക്കുന്നു. അത്തം പിറന്നു കഴിഞ്ഞാല് മുറ്റം നിറയെ പൂക്കളങ്ങള്. പത്താം നാള് തിരുവോണം. മാനുഷരെല്ലാം ഒന്നുപോലെ ആമോദത്തോടെ വാണ ആ പഴയ കാലത്തിന്റെ ഓര്മ്മ വീണ്ടും മലയാള നാട്ടില് ഐശ്വര്യവും സമൃദ്ധിയും നിറയ്ക്കട്ടെ.
Leave a Reply