Welcome to NIRBHAYAM.COM | Kerala’s No. 1 News Portal
March 16, 2026 10:07 am
Published on October 24, 2017 at 11:46 am
സംവിധായകന് ഐ.വി ശശി അന്തരിച്ചു
കൊച്ചി: പ്രശസ്ത സംവിധായകന് ഐ.വി ശശി അന്തരിച്ചു. ഏറെ നാളായി അസുഖബാധിതനായി ചെന്നൈയില് ചികിത്സയിലായിരുന്നു. 67 വയസായിരുന്നു.
മലയാളത്തിനു പുറമേ തമിഴ്, ഹിന്ദി ഭാഷകളിലായി നൂറ്റന്പതിലേറെ ചിത്രങ്ങള് സംവിധാനം ചെയ്തിട്ടുണ്ട്. ദേശീയ പുരസ്കാര ജേതാവായ ഇദ്ദേഹത്തെ സംസ്ഥാന സര്ക്കാര് ജെ.സി.ഡാനിയേല് പുരസ്കാരം നല്കി ആദരിച്ചിട്ടുണ്ട്. നടി സീമ ഭാര്യയാണ്.
1968ല് എ.വി.രാജിന്റെ കളിയല്ല കല്യാണം എന്ന സിനിമയില് കലാസംവിധായകനായാണ് ഐ.വി ശശിയുടെ തുടക്കം. ഛായാഗ്രാഹ സഹായിയായും പ്രവര്ത്തിച്ചിട്ടുണ്ട്. പിന്നീട് സഹ സംവിധായകനായി കുറെ ചലച്ചിത്രങ്ങളില് പ്രവര്ത്തിച്ചു. ആദ്യചലച്ചിത്രം ഇരുപത്തിഏഴാം വയസ്സില് സംവിധാനം ചെയ്തു.
1982 ല് ആരൂഡത്തിന് ദേശീയോദ്ഗ്രഥനത്തിുള്ള ദേശീയ അവാര്ഡ് നേടി. രണ്ടു തവണ മികച്ച സംവിധായകനുള്ള സംസ്ഥാന അവാര്ഡ്, ഒരു തവണ മികച്ച രണ്ടാമത്തെ ചിത്രത്തിനുള്ള അവാര്ഡ്, ഒരു തവണ ജനപ്രീതി നേടിയ ചിത്രത്തിനുള്ള അവാര്ഡ് എന്നിവ സ്വന്തമാക്കി.
കോഴിക്കോട് വെസ്റ്റ്ഹില് സ്വദേശിയായ ഐ.വി.ശശി മദ്രാസ് സ്കൂള് ഓഫ് ആര്ട്സില് നിന്ന് ചിത്രകലത്തില് ഡിപ്ലോമ നേടിയശേഷമാണ് സിനിമയിലെത്തിയത്.
Leave a Reply