Welcome to NIRBHAYAM.COM | Kerala’s No. 1 News Portal
April 26, 2024 5:06 pm
Published on December 16, 2017 at 9:41 am
തൃപ്പൂണിത്തുറയിൽ വീട്ടുകാരെ കെട്ടിയിട്ട് വൻകവർച്ച; 50 പവൻ കവർന്നു
കൊച്ചി: കൊച്ചിയില്‍ വന്‍ കവര്‍ച്ച. തൃപ്പൂണിത്തുറ ഹില്‍പ്പാലസിനു സമീപത്തെ വീട്ടിലാണ് കവര്‍ച്ച നടന്നത്. പുലര്‍ച്ചെ രണ്ടോടെ വീട്ടില്‍ അതിക്രമിച്ചുകയറിയ അക്രമിസംഘം വീട്ടുകാരെ കെട്ടിയിട്ടശേഷം കവര്‍ച്ച നടത്തുകയായിരുന്നു.
കവര്‍ച്ചക്കാരുടെ അക്രമത്തില്‍ ഗൃഹനാഥനു ഗുരുതരമായും മറ്റുള്ളവര്‍ക്കു നിസാര പരിക്കുകളും ഏറ്റു. ഇവരെ ആശുപത്രിയില്‍ പ്രവേശിപ്പിച്ചു. 50 പവന്‍ സ്വര്‍ണാഭരണങ്ങളടക്കം വീട്ടില്‍നിന്നു നഷ്ടപ്പെട്ടതായാണു സൂചന. കവര്‍ച്ച നടത്തിയത് തമിഴ്നാട്ടുകാരടങ്ങുന്ന 15 അംഗ സംഘമാണെന്നാണു പോലീസ് നല്‍കുന്ന സൂചന. വീട്ടിന്‍റെ മുന്‍ഭാഗത്തെ ജനല്‍കന്പികള്‍ തകര്‍ത്തനിലയിലാണ്. ഇതുവഴിയാകാം മോഷ്ടാക്കള്‍ അകത്തു കടന്നതെന്നു കരുതുന്നു.
കഴിഞ്ഞ ദിവസം കൊച്ചി നഗരമധ്യത്തില്‍ വീട്ടില്‍ കയറി വയോധികരായ ദന്പതികളെ ആക്രമിച്ചു സ്വര്‍ണാഭരണങ്ങള്‍ കവര്‍ന്നിരുന്നു. നോര്‍ത്ത് ജംഗ്ഷനില്‍നിന്നു പുല്ലേപ്പടി പാലത്തിലേക്കു പോകുന്ന വഴിയില്‍ താമസിക്കുന്ന ഇല്ലിമൂട്ടില്‍ റിട്ട. എക്സിക്യൂട്ടീവ് എന്‍ജിനിയര്‍ ഇ.കെ. ഇസ്മയിലിന്‍റെ വീട്ടിലാണു മോഷണം നടന്നത്.
Leave a Reply