Published on August 22, 2019 at 10:06 am

കനത്ത മഴയ്ക്ക് സാധ്യത ; ഇടുക്കിയിലും തൃശൂരും ഓറഞ്ച് അലർട്ട് പ്രഖ്യാപിച്ചു..

heavy-rain-in-kerala-orange-alert-in-idukki-and-thrissur

തിരുവനന്തപുരം: ഇടുക്കിയിലും തൃശൂരും ഇന്ന് അതിശക്തമായ മഴയ്ക്കു സാധ്യതയുള്ളതിനാൽ ഓറഞ്ച് അലർട്ട് പ്രഖ്യാപിച്ചു. കോട്ടയം, എറണാകുളം, പാലക്കാട്, മലപ്പുറം, കോഴിക്കോട് ജില്ലകളിൽ വ്യാപകമായി മഴ പെയ്യാനിടയുള്ളതിനാൽ യെലോ അലർട്ടുമുണ്ട്.

ഓറഞ്ച് അലർട്ട് പ്രഖ്യാപിച്ച ജില്ലകളിലെ ഉരുൾപൊട്ടൽ സാധ്യതയുള്ള മേഖലകളിൽ താമസിക്കുന്നവർ ജില്ലാ ഭരണകൂടത്തിന്റെ അറിയിപ്പു കിട്ടിയാലുടൻ സുരക്ഷിത കേന്ദ്രങ്ങളിലേക്കു മാറണമെന്നു സംസ്ഥാന ദുരന്തനിവാരണ അതോറിറ്റി മുന്നറിയിപ്പു നൽകി. ‌

മണിക്കൂറിൽ 55 കിലോമീറ്റർ വരെ വേഗത്തിൽ കാറ്റിനു സാധ്യതയുള്ളതിനാൽ തെക്കുപടിഞ്ഞാറ് അറബിക്കടൽ, ലക്ഷദ്വീപ് തീരം, മധ്യ–തെക്ക് ബംഗാൾ ഉൾക്കടൽ എന്നിവിടങ്ങളിൽ മത്സ്യബന്ധനത്തിനു പോകരുതെന്നും നിർദേശമുണ്ട്.

Share this on WhatsApp