Welcome to NIRBHAYAM.COM | Kerala’s No. 1 News Portal
December 15, 2025 4:23 am
Published on December 27, 2017 at 10:30 am
കുല്ഭൂഷണ് ജാദവ് വിഷയം; യുദ്ധം ചെയ്ത് പാക്കിസ്ഥാനെ നാലാക്കണമെന്ന് സുബ്രഹ്മണ്യന് സ്വാമി
മുംബൈ: കുല്ഭൂഷണ് ജാദവ് വിഷയത്തില് ഇന്ത്യ പാക്കിസ്ഥാനെതിരെ യുദ്ധം ചെയ്യണമെന്നും പാക്കിസ്ഥാനെ നാലായി വെട്ടിമുറിക്കണമെന്നും ബിജെപി, എംപി സുബ്രഹ്മണ്യന് സ്വാമി.
പാക്കിസ്ഥാനില് വച്ച് കുല്ഭൂഷണ് ജാധവിന്റെ അമ്മയ്ക്കും ഭാര്യക്കും മോശം പെരുമാറ്റം നേരിടേണ്ടിവന്നെന്ന വാര്ത്തയോട് പ്രതികരിക്കുകയായിരുന്നു അദ്ദേഹം.
യുദ്ധത്തിനുള്ള നടപടികള് ഗൗരവമായി ഇപ്പോള്ത്തന്നെ തുടങ്ങണമെന്നും കുല്ഭൂഷന്റെ അമ്മയോടും ഭാര്യയോടും പാക്കിസ്ഥാന് കാണിച്ച സമീപനം ദ്രൗപദിയുടെ വസ്ത്രാക്ഷേപത്തിനു സമാനമാണെന്നും സ്വാമി വ്യക്തമാക്കി.
കുല്ഭൂഷണ് ജാദവിനെ കാണാനെത്തിയ അമ്മ അവന്തിയെയും ഭാര്യ ചേതനയെയും പാക്കിസ്ഥാന് അപമാനിച്ചിരുന്നു. കൂടിക്കാഴ്ച സംബന്ധിച്ച് ഇന്ത്യയുമായുണ്ടാക്കിയ ധാരണകള് പാക്കിസ്ഥാന് ലംഘിച്ചു. സുരക്ഷയുടെ പേരു പറഞ്ഞു കുല്ഭൂഷന്റെ കുടുംബത്തിന്റെ സാംസ്കാരികവും മതപരവുമായ വികാരങ്ങളെ വ്രണപ്പെടുത്തുകയും ചെയ്തു.
കൂടിക്കാഴ്ചയ്ക്കു മുമ്പ് അവന്തിയുടെയും ചേതനയുടെയും വസ്ത്രങ്ങള് അഴിച്ചു പരിശോധിച്ചു. ഭാര്യയുടെ താലിയും മറ്റ് ആഭരണങ്ങളും അഴിച്ചുമാറ്റി. ചെരുപ്പു ധരിക്കാന് അനുവദിച്ചില്ല. കൂടിക്കാഴ്ചയ്ക്കുശേഷം ചേതനയ്ക്കു ചെരുപ്പുകള് തിരികെ ലഭിച്ചതുമില്ല.
കനത്ത സുരക്ഷയില് പാക്കിസ്ഥാന് വിദേശകാര്യ മന്ത്രാലയം ഓഫിസില് ചില്ലുമറയ്ക്ക് ഇരുപുറവുമിരുന്ന് ഇന്റര്കോമിലൂടെയാണു കുല്ഭൂഷണും കുടുംബാംഗങ്ങളും പരസ്പരം സംസാരിച്ചത്. മാതൃഭാഷയായ മറാഠിയില് സംസാരിക്കാന് അനുവദിച്ചില്ല. ധാരണയ്ക്കു വിരുദ്ധമായി, ഇന്ത്യന് ഡപ്യൂട്ടി ഹൈക്കമ്മിഷണര് ജെ.പി. സിങ്ങിനെ കൂടിക്കാഴ്ച നടന്ന മുറിയില് അനുവദിച്ചില്ല. 40 മിനിറ്റോളം നീണ്ട കൂടിക്കാഴ്ചയുടെ അന്തരീക്ഷം ഭീതിപ്പെടുത്തുന്ന തരത്തിലായിരുന്നെന്നും വിദേശകാര്യ മന്ത്രാലയവൃത്തങ്ങള് പറഞ്ഞു.
ചാരവൃത്തി ആരോപിച്ചാണ് ഇന്ത്യന് നാവികന് കുല്ഭൂഷണ് ജാദവിനെ പാക്കിസ്ഥാന് അറസ്റ്റ് ചെയ്തത്. പിന്നീട് ഇദ്ദേഹത്തിന് വധശിക്ഷ വിധിക്കുകയും ചെയ്തു.
Leave a Reply