Welcome to NIRBHAYAM.COM | Kerala’s No. 1 News Portal
December 14, 2025 11:38 am
Published on December 14, 2017 at 10:24 am
ഐ.എന്.എസ്. കല്വരി രാജ്യത്തിന് സമര്പ്പിച്ചു
മുംബൈ: ഇന്ത്യന് നാവികസേനയുടെ പ്രഥമ സ്കോര്പീന് ക്ളാസ് അന്തര്വാഹിനി ഐഎന്എസ് കല്വരി പ്രധാനമന്ത്രി നരേന്ദ്രമോദി രാഷ്ട്രത്തിന് സമര്പ്പിച്ചു. അതിശക്തമായ ആക്രമണം നടത്താന് ശേഷിയുള്ളതാണ് ഐഎന്എസ് കല്വരി. മുംബൈ മസ്ഗാവ് ഡോക്കിലായിരുന്നു കമ്മീഷനിങ് ചടങ്ങ് നടന്നത്.
ഇന്ത്യന് മഹാസമുദ്രത്തില് ചൈനീസ് സാന്നിധ്യം വര്ധിക്കുന്ന സാഹചര്യത്തില് പുതിയ അന്തര്വാഹിനിയുടെ വരവ് രാജ്യത്തിന് കരുത്ത് പകരും. എളുപ്പത്തില് കണ്ടുപിടിക്കാനാവാത്ത തരത്തില് ശക്തമായ ആക്രമണം നടത്താന് കെല്പ്പുള്ളതാണ് ഐ.എന്.എസ്. കല്വരി. നിലവില് 15 അന്തര്വാഹിനികലുള്ള ഇന്ത്യക്ക് ഫ്രഞ്ച് സാങ്കേതിക സഹകരണത്തോടെ മസ്ഗാവ് ഡോക്കില് നിര്മിക്കുന്ന ആറു സ്കോര്പീന്ക്ളാസ് മുങ്ങിക്കപ്പലുകളില് ആദ്യത്തേതാണ് ഐഎന്എസ് കല്വരി.
ഡിസിഎന്എസ് എന്ന ഫ്രഞ്ച് കമ്പനിനിയായ ആണ് സ്കോര്പീന് ക്ളാസ് അന്തര്വാഹിനി നിര്മ്മിക്കുന്നതില് ഇന്ത്യയുമായി സഹകരിക്കുന്നത്. ഡീസല് ഇലക്ട്രിക് എന്ജിന് കരുത്തോടെയാണ് ഇവ എത്തുന്നത്. 2005ലായിരുന്നു ഇതുമായി ബന്ധപ്പെട്ട കരാറില് ഒപ്പിട്ടത്. 23,600 കോടി രൂപയായിരുന്നു കരാര് തുക.
നീളം 61.7 മീറ്റര്, കടലിന്നടിയില് 20 നോട്ടിക്കല്മൈല് വേഗം, ജലോപരിതലത്തില് 12 നോട്ടിക്കല്മൈല് വേഗം, കടലില് 1150 അടി ആഴത്തില് സഞ്ചരിക്കാനുള്ള ശേഷി, 40 ദിവസത്തോളം കടലിനടിയില് കഴിയാനുള്ള ശേഷി എന്നിവ ഐഎന്എസ് കല്വരിയുടെ പ്രധാന സവിശേഷതകളാണ്. 18 ടോര്പിഡോകള്, 30 മൈനുകള്, 39 കപ്പല്വേധ മിസൈലുകള് എന്നിവ വഹിക്കാനും കല്വരിക്ക് സാദിക്കും.
Leave a Reply