Welcome to NIRBHAYAM.COM | Kerala’s No. 1 News Portal
December 14, 2025 11:41 am
Published on February 10, 2014 at 5:07 pm
ഐ.പി.എല് വാതുവയ്പ്: മെയ്യപ്പന് കുറ്റക്കാരനെന്ന് റിപ്പോര്ട്ട്
ന്യൂഡല്ഹി : ഐ പി എല് വാതുവെപ്പ് കേസില് ബിസിസിഐ അധ്യക്ഷന് എന് ശ്രീനിവാസന്റെ മരുമകന് ഗുരുനാഥ് മെയ്യപ്പന് കുറ്റക്കാരനാണെന്ന് കണ്ടെത്തി .സുപ്രീം കോടതി നിയോഗിച്ച ജസ്റ്റിസ് മുകുള് മുദ്ഗല് കമ്മിറ്റിയാണ് വാതുവെപ്പില് മെയ്യപ്പന് കുറ്റക്കരനാണെന്ന് കണ്ടെത്തിയത് .ജസ്റ്റിസ് എകെ പട്നായിക് അധ്യക്ഷനായ സുപ്രീംകോടതി ബെഞ്ചിന് മുന്പാകെ സമര്പ്പിച്ച റിപ്പോര്ട്ടില് ബിസിസിഐയ്ക്കെതിരെയും ഗുരുതരമായ ആരോപണങ്ങളാണ് ഉന്നയിച്ചിരിക്കുന്നത്.വാതുവെപ്പിനെ കുറിച്ച് കൂടുതല് വിപുലമായ അന്വേഷണം നടത്തേണ്ടതുണ്ടെന്നും എന് . ശ്രീനിവാസന് ഒരേ സമയം ബി.സി.സി.ഐ. അധ്യക്ഷപദവിയും ഒരു ഫ്രാഞ്ചൈസിയുടെ ഉടമയുമായിരിക്കുന്നത് ശരിയായ നടപടിയല്ലെന്നു പറഞ്ഞ കമ്മിറ്റി ഇക്കാര്യം സുപ്രീംകോടതി ഗുരുതരമായി പരിഗണിക്കണമെന്നും ആവശ്യപ്പെട്ടിട്ടുണ്ട്.വാതുവെപ്പ് ഉള്പ്പെടയുള്ള എല്ലാ തിന്മകളും ഇല്ലാതാക്കി കളി ശുദ്ധീകരിക്കാന് കമ്മിറ്റി പത്ത് നിര്ദേശങ്ങളും മുന്നോട്ടുവെച്ചിട്ടുണ്ട്. മുതിര്ന്ന കളിക്കാരായ സച്ചിന് തെണ്ടുല്ക്കര് , രാഹുല് ദ്രാവിഡ്, സൗരവ് ഗാംഗുലി, വി.വി.എസ്. ലക്ഷ്മണ് , വെങ്കിടേഷ് പ്രസാദ്, അനില് കുംബ്ലെ തുടങ്ങിയവര് വാതുവെപ്പിനെയും ഒത്തുകളിയെയും കുറിച്ച് യുവതാരങ്ങളെ ബോധവത്കരിക്കണമെന്നും കമ്മിറ്റി നിര്ദേശിച്ചു.
Leave a Reply