Published on June 4, 2016 at 1:43 pm

ജിഷയുടെ ഘാതകന്റെ രേഖാചിത്രവുമായി സാമ്യം; യുവ നടൻ വെട്ടിലായി

കൊച്ചി: പെരുമ്പാവൂരില്‍ കൊല്ലപ്പെട്ട ജിഷയുടെ ഘാതകന്റെ രേഖാ ചിത്രം കഴിഞ്ഞദിവസം പോലീസ് പുറത്തുവിട്ടിരുന്നു. തുടര്‍ന്ന് രേഖാചിത്രം വാട്‌സ്ആപ്പിലും ഫേസ്ബുക്കിലും ഉള്‍പ്പെടെ സോഷ്യല്‍മീഡിയയില്‍ പ്രചരിച്ചു. ഇതിനിടയില്‍ ഘാതകിയുടെതെന്ന് തോന്നിപ്പിക്കുന്ന ഛായയുള്ള യുവാവിന്റെ ചിത്രവും സോഷ്യല്‍മീഡിയയില്‍ രേഖാചിത്രത്തോടൊപ്പം പ്രചരിച്ചു. രേഖാചിത്രം പ്രചരിച്ചതോടെ വിശദീകരണവുമായി രംഗത്തെത്തിയിരിക്കുകയാണ് ഈ യുവാവ് .പറവൂരിലെ ഒരു തുണിക്കടയില്‍ സെയില്‍സ്മാനായി ജോലി ചെയ്യുന്ന തസ്ലിക് കെ വൈ എന്ന യുവാവാണ് കാഴ്ചയില്‍ സാമ്യമുള്ളതിനാല്‍ സോഷ്യല്‍മീഡിയയിലൂടെ ചര്‍ച്ചയാകുന്നത്. എന്നാല്‍ തന്നെ ഇത് ഏറെ വേദനിപ്പിക്കുന്നുവെന്ന് തസ് ലിക് ഫെയ്‌സ്ബുക്കില്‍ പറയുന്നു. തന്നെയല്ല ആരെയും ഇതുപോലെ വേദനിപ്പിക്കരുതെന്നാണ് തസ്‌ലികിന്റെ അപേക്ഷ.അഞ്ചാംപുര തുടങ്ങിയ ചില മലയാള സിനിമകളില്‍ ചെറിയ വേഷങ്ങളില്‍ തസ്‌ലിക് അഭിനയിച്ചിട്ടുണ്ട്. അധികാരികളുടെ ശ്രദ്ധയില്‍ ഈ രേഖാചിത്രവുമായി സാമ്യമുള്ള ഒരാളെ കണ്ടെത്തി എന്ന് അറിയിക്കാനായിരിക്കാം തസ് ലികിന്റെ ചിത്രം പ്രചരിക്കുന്നത്. പ്രതി ഇതുവരെ ആരെന്ന് കണ്ടുപിടിക്കാത്ത സ്ഥിതിക്ക് സോഷ്യല്‍മീഡിയയില്‍ ചിത്രം പ്രചരിപ്പിക്കുന്നത് ഒരു പക്ഷെ ഈ യുവാവിന്റെ ഭാവിയെതന്നെ ബാധിച്ചേക്കാം.

–

jisha's-murder-case2