Welcome to NIRBHAYAM.COM | Kerala’s No. 1 News Portal
December 15, 2025 6:51 pm
Published on May 23, 2017 at 10:44 am
കലാഭവന് മണിയുടെ മരണം; സി.ബി.ഐ എഫ്.ഐ.ആര് രജിസ്റ്റര് ചെയ്തു
കൊച്ചി: കലാഭവന് മണിയുടെ മരണത്തില് സി.ബി.ഐ എഫ്.ഐ.ആര് രജിസ്റ്റര് ചെയ്തു. എറണാകുളം സി.ജെ.എം കോടതിയിലാണ് എഫ്.ഐ.ആര് സമര്പ്പിച്ചത്.
അസ്വാഭാവിക മരണത്തിനാണ് കേസെങ്കിലും എഫ്.ഐ.ആറില് ആരുടെയും പേര് പരാമര്ശിച്ചിട്ടില്ല. ഫോറന്സിക് രേഖകളിലെ വൈരുദ്ധ്യം ഉള്പ്പെടെയുള്ളവ ചൂണ്ടിക്കാട്ടി മണിയുടെ സഹോദരനടക്കമുള്ളവരാണ് കേസില് സി.ബി.ഐ അന്വേഷണമെന്ന് ആവശ്യപ്പെട്ടത്.
ഇതിന്റെ അടിസ്ഥാനത്തില് ഹൈക്കോടതി സി.ബി.ഐ അന്വേഷണത്തിന് ഉത്തരവിടുകയും ചെയ്തിരുന്നു. ഇതിനുപിന്നാലെ കഴിഞ്ഞ ദിവസം കേസ് ഡയറി അടക്കമുള്ളവ സി.ബി.ഐ ചാലക്കുടി പൊലീസില്നിന്ന് ഏറ്റുവാങ്ങി.
2016 മാര്ച്ച് ആറിനാണ് കലാഭവന് മണി മരിക്കുന്നത്. ഒഴിവുകാലവസതിയായ പാഡിയില് അവശനിലയില് കണ്ടെത്തിയ മണിയെ ആശുപത്രിയിലെത്തിച്ചതിനുശേഷമായിരുന്നു മരണം. രോഗം മൂലമുള്ള മരണം, കൊലപാതകം, ആത്മഹത്യ, അറിയാതെ വിഷമദ്യം ഉള്ളില്ച്ചെന്നുള്ള മരണം എന്നിങ്ങനെയുള്ള സാധ്യതകളാണ് പൊലീസ് പരിശോധിച്ചത്. മണിയുടെ ശരീരത്തില് ക്രമാതീതമായ അളവില് മീഥെയ്ല് ആല്ക്കഹോളിന്റെ സാന്നിധ്യം കണ്ടെത്തിയതും സംശയത്തിനിട നല്കിയിരുന്നു.
Leave a Reply