Welcome to NIRBHAYAM.COM | Kerala’s No. 1 News Portal
മസ്കറ്റ്: ഒമാനില് മലയാളി യുവാവിനെ കഴുത്തറുത്ത് കൊലപ്പെടുത്തിയ നിലയില് കണ്ടെത്തി. പത്തനംതിട്ട സ്വദേശിയായ പ്രജിത്ത് മുരളീധരന് (26 ) ആണ് കൊല്ലപ്പെട്ടത്. മോഷണ ശ്രമത്തിനിടെയാണ് കൊലപാതകം എന്നാണ് സൂചന. ഒമാന് യുണൈറ്റഡ് ഇന്ഷുറന്സ് കമ്പനിയിലെ ജീവനക്കാരനായിരുന്നു പ്രജിത്ത്.ബുറൈമി ജബല് മക്സൂസ് സോഹാര് റോഡിലാണ് ഓഫീസ് . ഓഫീസിലെ മറ്റ് ജീവനക്കാര് ഉച്ച ഭക്ഷണത്തിനായി പോയ സമയത്താണ് കൊലപാതകം നടന്നത്. ജീവനക്കാർ തിരിച്ചെത്തിയപ്പോള് പ്രജിത്തിനെ കഴുത്തറുത്ത നിലയിൽ കണ്ടെത്തുകയായിരുന്നു.ഏപ്രില് 29ന് ബുധനാഴ്ച ഉച്ചയോടെയാണ് സംഭവം നടന്നത്. സംഭവവുമായി ബന്ധപ്പെട്ട് ഒരു ബംഗ്ലാദേശിയെ ഒമാന് പോലീസ് അറസ്റ്റ് ചെയ്തിട്ടുണ്ട്.