Welcome to NIRBHAYAM.COM | Kerala’s No. 1 News Portal
ശബരിമല: ശബരിമലയില് ദര്ശനം നടത്തിയെന്ന അവകാശവാദവുമായി യുവതികള് രംഗത്ത്. നേരത്തെ ദര്ശനത്തിന് ശ്രമിച്ച് പ്രതിഷേധം കാരണം പിന്വാങ്ങേണ്ടി വന്ന കനകദുര്ഗയും ബിന്ദുവുമാണ് ഈ അവകാശവാദവുമായി രംഗത്തെത്തിയത്.
പോലീസ് സംരക്ഷണത്തോടെ ഇന്ന് പുലര്ച്ചെ ദര്ശനം നടത്തിയെന്നാണ് ഇവരുടെ അവകാശവാദം. നേരത്തെ കഴിഞ്ഞ മാസം 24നാണ് കോഴിക്കോട് കൊയിലാണ്ടി സ്വദേശിനി ബിന്ദുവും, മലപ്പുറം സ്വദേശിനി കനകദുര്ഗയും ശബരിമല ദര്ശനത്തിനെത്തിയത്. എന്നാല് കടുത്ത പ്രതിഷേധം കാരണം ഇവര് തിരിച്ചിറങ്ങുകയായിരുന്നു.
പോലീസ് സംരക്ഷണയിലാണ് ദര്ശനം നടത്തിയതെന്നും പമ്പയില് എത്തിയ ശേഷമാണ് പോലീസ് സംരക്ഷണം ആവശ്യപ്പെട്ടതെന്നും ബിന്ദു മാതൃഭൂമി ന്യൂസിനോട് പറഞ്ഞു. പമ്പയില് നിന്ന് സന്നിധാനം വരെയുള്ള പാതയില് ഏതാനും ഭക്തര് തങ്ങളെ തിരിച്ചറിഞ്ഞിരുന്നു. എന്നാല് പ്രതിഷേധമൊന്നും ഉണ്ടായില്ല. ഭക്തര് മാത്രമേ സന്നിധാനത്ത് ഉണ്ടായിരുന്നുള്ളൂ. പോലീസ് പിന്തിരിപ്പിക്കാന് ശ്രമം നടത്തിയില്ല. പതിനെട്ടാംപടി വഴിയല്ല, വിഐപി ലോഞ്ച് വഴിയാണ് സന്നിധാനത്ത് എത്തിയത്. 1.30ന് പമ്പയില്നിന്ന് പുറപ്പെട്ടു. 3.30 സന്നിധാനത്തെത്തി. സുരക്ഷിതമായി മലയിറങ്ങാന് സാധിച്ചു. സ്ത്രീ വേഷത്തില്ത്തന്നെയാണ് ദര്ശനം നടത്തിയതെന്നും ബിന്ദു വ്യക്തമാക്കി.
Leave a Reply