Published on October 15, 2016 at 8:36 am

കശ്മീരില്‍ വീണ്ടും ഭീകരാക്രമണം: ഒരു സൈനികൻ കൊല്ലപ്പെട്ടു; 8 പേര്‍ക്ക് പരിക്ക്

ssb-jawan-killed-8-others-injured-in-terrorist-attack-on-patrolling-party-on-outskirts-of-srinagar

ന്യൂഡല്‍ഹി: ജമ്മുകശ്മീരിൽ വീണ്ടും ഭീകരാക്രമണം. ഒരു ജവാന്‍ മരിച്ചു. എട്ടു പേര്‍ക്ക് പരിക്കേറ്റിട്ടുണ്ട്. വെള്ളിയാഴ്ച വൈകിട്ട് ശ്രീനഗറിന് സമീപം സകുറയിലാണ് ആക്രമണം ഉണ്ടായത്.സശസ്ത്ര സീമാബൽ സേനാംഗങ്ങൾ സഞ്ചരിച്ച വാഹനങ്ങൾക്ക് നേരെയാണ് ഭീകരര്‍ ആക്രമണം നടത്തിയത്.മുപ്പത് മിനിറ്റ് നേരം ഭീകരരും എസ് എസ് ബി അംഗങ്ങളും തമ്മിൽ പ്രദേശത്ത് വെടിവെപ്പ് നടന്നു. വാഹനവ്യൂഹത്തിന് നേരെ ആക്രമണം നടത്തി ഭീകരർ ഓടി രക്ഷപ്പെടുകയായിരുന്നു.

ഭീകരെ ഇതുവരെ പിടികൂടാൻ സാധിച്ചിട്ടില്ലെന്നാണ് റിപ്പോര്‍ട്ടുകള്‍. കരസേനയുടെ സെപെഷ്യൽ ഓപ്പറേഷൻ ഫോഴ്സ് പ്രദേശത്ത് പരിശോധന നടത്തുകയാണ്. പരിക്കേറ്റവരെ ആസ്പത്രിയില്‍ പ്രവേശിപ്പിച്ചു.
–

–