Welcome to NIRBHAYAM.COM | Kerala’s No. 1 News Portal
December 15, 2025 6:56 pm
Published on February 20, 2015 at 4:29 pm
ലോകകപ്പ് ക്രിക്കറ്റ് മത്സരങ്ങള് സംപ്രേഷണം ചെയ്യാന് ദുരദര്ശന് അനുമതി
ന്യൂഡല്ഹി: ക്രിക്കറ്റ് ലോകകപ്പ് സംപ്രേഷണം ചെയ്യാന് ദൂരദര്ശന് സുപ്രീംകോടതിയുടെ അനുമതി.ദുരദര്ശന് ലോകകപ്പ് മത്സരങ്ങള് സംപ്രേഷണം ചെയ്യുന്നതിനെതിരെ ഔദ്യോഗിക പ്രക്ഷേപകരായ സ്റ്റാര് സ്പോര്ട്സ് നല്കിയ ഹര്ജി തള്ളിക്കൊണ്ടാണ് സുപ്രീംകോടതി വിധി.കളി സംപ്രേഷം ചെയ്യുന്നതിനുള്ള ഫീഡ് പ്രസാര്ഭാരതിക്ക് മറ്റ് കേബിള് ഓപ്പറേറ്റര്മാര്ക്ക് നല്കാമെന്നും സുപ്രീംകോടതി വ്യക്തമാക്കി.ഫീഡ് സൗജന്യമായി കേബിള് ഓപ്പറേറ്റര്മാര്ക്ക് നല്കാന് ദൂരദര്ശന് കഴിയില്ലെന്ന ഡല്ഹി ഹൈക്കോടതി വിധിക്കെതിരെയാണ് പ്രസാര്ഭാരതി സുപ്രീംകോടതിയെ സമീപിച്ചത്. ഹൈക്കോടതി വിധി സുപ്രീംകോടതി സ്റ്റേ ചെയ്ത സാഹചര്യത്തില് ഇന്ത്യ-പാകിസ്താന് മത്സരം കാണാന് ദൂരദര്ശന് പ്രേക്ഷകര്ക്ക് കഴിഞ്ഞിരുന്നു.ദൂരദര്ശന് കേബിള്ശൃംഖലയിലൂടെ മത്സരങ്ങള് സംപ്രേഷണം ചെയ്യുന്നത് തങ്ങള്ക്ക് ഭീമമായ നഷ്ടമുണ്ടാക്കുമെന്ന് കാണിച്ചായിരുന്നു സ്റ്റാര് സ്പോര്ട്സ് കോടതിയെ സമീപിച്ചത്.
Leave a Reply