Welcome to NIRBHAYAM.COM | Kerala’s No. 1 News Portal
December 5, 2025 11:51 am
Published on September 27, 2018 at 11:07 am
സ്ത്രീയുടെ അധികാരി ഭർത്താവല്ലെന്ന് സുപ്രീംകോടതി
ന്യൂഡൽഹി: സ്ത്രീയുടെ അധികാരി ഭർത്താവല്ലെന്ന് സുപ്രീംകോടതി. സ്ത്രീക്കും പുരുഷനും തുല്യ അധികാരമാണ്. വിവേചനം ഭരണഘടനാവിരുദ്ധം. വിവാഹേതര ബന്ധത്തില് ഏര്പ്പെടുന്ന സ്ത്രീയെയും കുറ്റക്കാരിയാക്കണമെന്ന പൊതുതാല്പര്യ ഹര്ജിയില് വിധി പറയുകയാണു സുപ്രീംകോടതി. ചീഫ് ജസ്റ്റിസ് ദീപക് മിശ്ര അധ്യക്ഷനായ അഞ്ചംഗ ഭരണഘടനാബെഞ്ചാണു വിധി പറയുന്നത്. നിലവിൽ ഇന്ത്യന് ശിക്ഷാനിയമത്തിലെ 497–ാം വകുപ്പ് വിവാഹേതര ബന്ധത്തിലേര്പ്പെടുന്ന പുരുഷന്മാര്ക്കെതിരെ മാത്രമാണ്.
സ്ത്രീകളെ ഇരകളായി കാണുന്ന വകുപ്പ് ലിംഗ അസമത്വത്തിനു തെളിവാണ്. സ്ത്രീകളെയും നിയമത്തിനു കീഴില് കൊണ്ടുവരണമെന്ന് ആവശ്യപ്പെട്ടു പൊതുപ്രവര്ത്തകൻ ജോസഫ് ഷൈനാണു കോടതിയെ സമീപിച്ചത്. വിവാഹവുമായി ബന്ധപ്പെട്ട വിഷയം ക്രിമിനല് കുറ്റമായി നിലനിര്ത്തുന്നതിനെ കോടതി വാദത്തിനിടെ ചോദ്യം ചെയ്തു. രണ്ടു വ്യക്തികള് തമ്മിലുളള ബന്ധം എങ്ങനെയാണു സമൂഹത്തിനെതിരെയുളള കുറ്റകൃത്യമാകുന്നതെന്നും ആരാഞ്ഞു. വിവാഹേതര ബന്ധങ്ങള് പൊതുകുറ്റകൃത്യമാണെന്നാണു കേന്ദ്രസര്ക്കാര് നിലപാട്.
Leave a Reply