Published on August 16, 2016 at 11:42 am

നായകൻ ഞാനാണ്….മനു ആന്റണിയുടെ നമ്പര്‍ ചോദിച്ച് നീ വിളിയ്ക്കണ്ട; പൃഥ്വിരാജിന് ജയസൂര്യയുടെ മുന്നറിയിപ്പ്…!!

പൃഥ്വിരാജിന് ജയസൂര്യയുടെ മുന്നറിയിപ്പ്. ഫേസ്ബുക്കിലൂടെയാണ് ജയസൂര്യ പൃഥ്വിരാജിന് ഒരു മുന്നറിയിപ്പ് കൊടുത്തിരിക്കുന്നത്. . സംഭവം മറ്റൊന്നുമല്ല. ജയസൂര്യയുടെ പ്രേതം സിനിമയുടെ സ്‌പോട്ട് എഡിറ്ററാണ് മനു ആന്റണി. ഇദ്ദേഹം സംവിധാനം ചെയ്ത ഷോര്‍ട്ട് ഫിലിമാണ് വിക്കി. ഈ ഷോര്‍ട്ട് ഫിലിമിനെ കുറിച്ച് ഗംഭീരമെന്നാണ് ജയസൂര്യ തന്റെ പോസ്റ്റില്‍ പറഞ്ഞിരിക്കുന്നത്. ഇത് ആരും കാണാതെ പോകരുതെന്നും ജയസൂര്യ പറയുന്നു.ഷോര്‍ട്ട് ഫിലിമിനെ കുറിച്ച് പറഞ്ഞതിന് ശേഷമാണ് ജയസൂര്യ തമാശരൂപേണ പൃഥ്വിരാജിന് മുന്നറിയിപ്പ് നല്‍കിയിരിക്കുന്നത്. ”പൃഥ്വിരാജിന്റെ പ്രത്യേക ശ്രദ്ധയ്ക്ക്.ഇവന്റെ(മനു ആന്റണി) നമ്പറും ചോദിച്ച് നീ വിളിക്കണ്ട. ഇവന്റെ അടുത്ത പടത്തില്‍ ഞാനാണ് നായകന്‍”…

–

Share this on WhatsApp