Welcome to NIRBHAYAM.COM | Kerala’s No. 1 News Portal
July 28, 2026 11:39 am
Published on September 16, 2016 at 8:03 am
കാവേരി പ്രശ്നം: തമിഴ്നാട്ടില് ഇന്ന് ബന്ദ്
ചെന്നൈ: കാവേരി പ്രശ്നത്തില് പ്രതിഷേധിച്ച് തമിഴ്നാട്ടില് ഇന്ന് ബന്ദ്. കര്ഷകസംഘടനകളാണ് ബന്ദിന് ആഹ്വാനം ചെയ്തിട്ടുള്ളത്.രാവിലെ 6 മണി മുതല് വൈകീട്ട് 6 മണി വരെയാണ് ബന്ദ്. ര്ഷകസംഘം 105 ഇടത്ത് ട്രെയിനുകളും 682 ഇടത്ത് റോഡ് ഗതാഗതവും തടയുമെന്ന് പ്രഖ്യാപിച്ചിട്ടുണ്ട്.കര്ണാടകത്തില് ലോറികളും ബസ്സുകളും കത്തിച്ചതില് പ്രതിഷേധിച്ച് ലോറിയുടമകളുടെ സംഘടനകളും ബന്ദിന് പിന്തുണ അറിയിച്ചു. ഇതോടെ തമിഴ്നാട്ടില് നിന്ന് അയല്സംസ്ഥാനങ്ങളിലേയ്ക്കുള്ള ചരക്കു നീക്കം ഒരു ദിവസത്തേയ്ക്ക് പൂര്ണമായും സ്തംഭിച്ചേയ്ക്കും. ബന്ദിന്റെ പശ്ചാത്തലത്തില് സ്വകാര്യസ്കൂളുകള്ക്ക് അവധി പ്രഖ്യാപിച്ചിട്ടുണ്ട്. എന്നാല് എംടിസി ബസ്സുകള് ചെന്നൈയില് സര്വീസ് നടത്തുമെന്ന് മെട്രോ ട്രാന്സ്പോര്ട്ട് കോര്പറേഷന് വ്യക്തമാക്കി. പെട്രോള് പമ്പുകളും ബന്ദിന് പിന്തുണയുമായി അടച്ചിടും. കാവേരിപ്രശ്നത്തിന്റെ പേരില് കര്ണാടകത്തില് തമിഴ്നാട് സ്വദേശികള്ക്ക് നേരെ സര്ക്കാരിന്റെ മൗനാനുവാദത്തോടെ അക്രമം അഴിച്ചുവിടുകയാണെന്നാരോപിച്ച് തമിഴ്സംഘടനകളും സംയുക്തമായി രംഗത്തെത്തി. ഡിഎംകെ ഉള്പ്പടെയുള്ള വിവിധ രാഷ്ട്രീയപാര്ട്ടികളും ബന്ദിന് പിന്തുണ പ്രഖ്യാപിച്ചിട്ടുണ്ട്. ഇന്ന് ഡിഎംഡികെയുടെ ചെന്നൈ ആസ്ഥാനത്ത് പാര്ട്ടി അദ്ധ്യക്ഷന് വിജയകാന്ത് നിരാഹാരസമരം നടത്തും. വിസികെ അദ്ധ്യക്ഷന് തോല്. തിരുമാവലവന് റെയില് ഉപരോധവും പ്രഖ്യാപിച്ചിട്ടുണ്ട്.
Leave a Reply