Welcome to NIRBHAYAM.COM | Kerala’s No. 1 News Portal
October 23, 2026 4:18 pm
Published on May 4, 2017 at 2:20 pm
ബാഹുബലിയെ ചുറ്റിപ്പറ്റി പുതിയ വിവാദം
ഹൈദരാബാദ്: തിയേറ്ററുകളില്‍ റെക്കോര്‍ഡുകള്‍ തകര്‍ത്തോടുന്ന ബാഹുബലിയുടെ രണ്ടാം ഭാഗത്തെ ചുറ്റിപ്പറ്റി പുതിയ വിവാദം.
സിനിമയില്‍ തങ്ങളുടെ ജാതിയെ അധിക്ഷേപിക്കുന്ന സംഭാഷണമുണ്ടെന്ന് കാണിച്ച് സംവിധായകന്‍ എസ്.എസ്. രാജമൗലിക്കെതിരെ കേസ് കൊടുത്തിരിക്കുകയാണ് കടിക സമദായാംഗങ്ങളുടെ സംഘടനയായ തെലങ്കാനയിലെ അരേക്കടിക പോരാട്ട സമിതി.
കടിക ചീകട്ടി എന്ന സത്യരാജ് അവതരിപ്പിച്ച കട്ടപ്പയുടെ ഡയലോഗാണ് സംഘടനയെ പ്രകോപിപ്പിച്ചത്. ഇതിലെ കടിക എന്ന വാക്ക് തങ്ങളുടെ ജാതിയെ അധിക്ഷേപിക്കുന്നതാണെന്ന് അവര്‍ പറഞ്ഞു. ഇറച്ചിവെട്ടും വില്‍പനയും ഞങ്ങളുടെ കുലത്തൊഴിലാണ്. അത് ജനങ്ങള്‍ക്ക് വേണ്ടി ചെയ്യുന്നതാണ്. സിനിമയില്‍ കാണിക്കുന്നപോലെ ഞങ്ങള്‍ മനുഷ്യത്വമില്ലാത്തവരോ സാമൂഹ്യവിരുദ്ധരോ ഒന്നുമല്ലെന്നും സംഘടന നല്‍കിയ പരാതിയില്‍ പറയുന്നു.
സിനിമകളില്‍ സമുദായത്തെ മോശമായി ചിത്രീകരിക്കുന്നത് കാരണം ഞങ്ങളുടെ കുട്ടികള്‍ക്ക് സാമൂഹികമായ ഭ്രഷ്ട് അനുഭവിക്കേണ്ടിവരെ വരുന്നുവെന്നും സംഘടന ബന്‍ജാര ഹില്‍സ് പൊലീസ് സ്റ്റേഷനില്‍ സമര്‍പ്പിച്ച പരാതിയില്‍ ചൂണ്ടിക്കാട്ടി.
മാത്രമല്ല സെന്‍സര്‍ ബോര്‍ഡ് അടിയന്തിരമായി ഇടപെട്ട് ഈ രംഗങ്ങള്‍ സിനിമയില്‍ നിന്ന് നീക്കം ചെയ്യണമെന്നും പരാതിയില്‍ ആവശ്യപ്പെട്ടു.
Leave a Reply