Welcome to NIRBHAYAM.COM | Kerala’s No. 1 News Portal
August 26, 2026 3:41 pm
Published on October 3, 2017 at 5:56 pm
85 ദിവസത്തിനു ശേഷം ദിലീപ് ജയില് മോചിതനായി; വമ്പന് സ്വീകരണമൊരുക്കി ആരാധകര്
കൊച്ചി: നടി ആക്രമിക്കപ്പെട്ട കേസില് ജാമ്യം ലഭിച്ച ദിലീപ് ആലുവ സബ്ജയിലില് നിന്നും പുറത്തിറങ്ങി. ഇന്ന് ഉച്ചയോടെയാണ് ഹൈക്കോടതി ദിലീപിന് ഉപാധികളോടെ ജാമ്യം അനുവദിച്ചത്. നടപടിക്രമങ്ങള് പൂര്ത്തിയാക്കി അങ്കമാലി മജിസ്ട്രേട്ട് കോടതി പുറപ്പെടുവിച്ച മോചന ഉത്തരവ് ആലുവ സബ് ജയിലില് എത്തിച്ചു. തുടര്ന്ന് വൈകിട്ട് 5:15 ഓടെ ദിലീപ് ജയില്നിന്ന് പുറത്തിറങ്ങി.
ജയിലിന് പുറത്ത് സഹപ്രവര്ത്തകരും ഫാന്സ് അസോസിയേഷന് പ്രവര്ത്തകരും വന് വരവേല്പ്പാണ് ദിലീപിന് വേണ്ടി തയ്യാറാക്കിയത്. ആലുവ ഡിവൈഎസ്പിയുടെ നേതൃത്വത്തില് വന് സുരക്ഷാ സംവിധാനങ്ങളും ജലിയിന് പുറത്ത് ഒരുക്കിയിരുന്നു.
ആരാധകര് ലഡു വിതരണം ചെയ്തും ദിലീപിന്റെ വലിയ കട്ടൗട്ടില് മാലയിട്ടും പാലഭിഷേകം നടത്തിയും സന്തോഷം പങ്കിട്ടു. നടനും സംവിധായകനുമായ കലാഭവന് അന്സാര്, നാദിര്ഷായുടെ സഹോദരന് സമദ്, ധര്മ്മജന് ബോള്ഗാട്ടി തുടങ്ങിയ പ്രമുഖരും ജയിലിന് മുന്നിലെത്തിയിരുന്നു.
ദിലീപിന്റെ സഹോദരന് അനൂപ്, അഭിഭാഷകര് എന്നിവര് ചേര്ന്നാണു ഹൈക്കോടതിയുടെ ഉത്തരവ് അങ്കമാലി മജിസ്ട്രേറ്റ് കോടതിയില് എത്തിച്ചത്. അവിടെ നിന്നും റിലീസിങ് ഓര്ഡര് ആലുവ ജയിലില് സഹോദരന് എത്തിക്കുകയായിരുന്നു.
85 ദിവസത്തിനു ശേഷമാണ് ദിലീപിന് ജാമ്യം ലഭിക്കുന്നത്. ജസ്റ്റിസ് സുനില് തോമസിന്റെ ബെഞ്ചാണ് ജാമ്യഹര്ജി പരിഗണിച്ചത്. അന്വേഷണത്തില് കാര്യമായ പുരോഗതിയുണ്ടെന്നു വിലയിരുത്തിയ കോടതി, ദിലീപിന് ക്രിമിനല് പശ്ചാത്തലമില്ലെന്ന വാദവും പരിഗണിച്ചു.
Leave a Reply