Welcome to NIRBHAYAM.COM | Kerala’s No. 1 News Portal
August 27, 2026 8:20 am
Published on July 28, 2017 at 12:17 pm
അറ്റ്ലസ് രാമചന്ദ്രന് ജയില് മോചിതനായതായി റിപ്പോര്ട്ട്
ദുബായില് ജയിലില് കഴിയുന്ന പ്രമുഖ പ്രവാസി മലയാളി ബിസിനസുകാരന് അറ്റ്ലസ് രാമചന്ദ്രന് ജയില് മോചിതനായതായി റിപ്പോര്ട്ട്. ദുബായിലെ ഒരു പ്രമുഖ അറബി വ്യവസായിയും ബാങ്കുകാരും സര്ക്കാരും തമ്മില് നടത്തിയ ഒത്തുതീര്പ്പ് ചര്ച്ചകളെ തുടര്ന്നാണ് അദ്ദേഹത്തിന്റെ മോചനം സാധ്യമായതെന്ന് പ്രവാസി മാധ്യമങ്ങള് പറയുന്നു.
ഇപ്പോള് ബര്ദുബായിലെ വസതിയിലുള്ള രാമചന്ദ്രന് തന്റെ ആസ്തികളില് ചിലത് വിറ്റ് കടബാധ്യത തീര്ക്കാനുള്ള ചര്ച്ചകളും ആരംഭിച്ചിട്ടുണ്ട്. കേസുകള് നല്കിയ ഭൂരിപക്ഷം ബാങ്കുകളും ഒത്തുതീര്പ്പിന് തയ്യാറായ സാഹചര്യത്തിലാണ് രാമചന്ദ്രന്റെ മോചനം. ബാക്കിയുള്ള ബാങ്കുകളോട് കടങ്ങള് വീട്ടാനുള്ള സാവകാശം തേടിയിരിക്കുകയാണെന്നും അറിയുന്നു. അതേസമയം രാമചന്ദ്രന് ജയില്മോചിതനായ വിവരം അറ്റ്ലസ് ഗ്രൂപ്പ് ഔദ്യോഗികമായി പുറത്തുവിട്ടിട്ടില്ല.
2015 ഓഗസ്റ്റ് 23നാണ് 74കാരനായ അറ്റ്ലസ് രാമചന്ദ്രന് അറസ്റ്റിലായത്. ബാങ്ക് വായ്പകളുടെ തിരിച്ചടവ് മുടങ്ങുകയും ചെക്കുകള് മടങ്ങുകയും ചെയ്ത സാഹചര്യത്തില് ബാങ്കുകള് നല്കിയ പരാതിയുടെ അടിസ്ഥാനത്തിലായിരുന്നു തൃശൂര് സ്വദേശിയായ അദ്ദേഹത്തിന്റെ അറസ്റ്റ്. 23 മാസങ്ങളാണ് അദ്ദേഹം ജയിലില് കഴിഞ്ഞത്.
2015 ഓഗസ്റ്റ് 23-നാണ് ചെക്കുകള് മടങ്ങിയ കേസുകളുമായി ബന്ധപ്പെട്ട് രാമചന്ദ്രന് ജയിലിലാകുന്നത്. 34 ദശലക്ഷം ദിര്ഹത്തിന്റെ ചെക്കുകള് പണമില്ലാതെ മടങ്ങിയതിനെ ത്തുടര്ന്നായിരുന്നു ദുബായ് പോലീസ് രാമചന്ദ്രനെ അറസ്റ്റ് ചെയ്യുന്നത്. സെപ്റ്റംബര് ഒന്നിന് രാമചന്ദ്രന്റെ ജാമ്യാപേക്ഷ തള്ളി.
ജി.സി.സി. രാജ്യങ്ങളിലായി വ്യാപിച്ചുകിടക്കുന്ന സ്വത്തുക്കള് വിറ്റഴിച്ച് 500 ദശലക്ഷം ദിര്ഹത്തിന്റെ (877 കോടി രൂപയിലേറെ) കടബാധ്യത തീര്ക്കാമെന്ന് ഗ്രൂപ്പ് കോടതിയെ അറിയിച്ചു. എന്നാല് അക്കാര്യത്തില് പുരോഗതി ഉണ്ടായില്ല. ചെക്കുകേസുകളില് പെട്ട് ദുബായ് കോടതി ഒക്ടോബര് 28-ന് രാമചന്ദ്രനെ മൂന്നുവര്ഷത്തേക്ക് ശിക്ഷിക്കുകയും ചെയ്തിരുന്നു.
Leave a Reply