Welcome to NIRBHAYAM.COM | Kerala’s No. 1 News Portal
കോഴിക്കോട്: വടകരയില് തെരഞ്ഞെടുപ്പ് ഡ്യൂട്ടിക്കെത്തിയ ബിഎസ്എഫ് ഇന്സ്പെക്ടര് വെടിയേറ്റ് മരിച്ചു. രാജസ്ഥാന് സ്വദേശിയായ ബി.എസ്.എഫ് ഇൻസ്പെക്ടർ റാം ഗോപാല് മീണ(44)യാണ് മരിച്ചത്. വടകര ഇരിങ്ങല് കോട്ടക്കല് ഇസ്ലാമിക് എച്ച് എസില് ഇന്നലെ രാത്രി പതിനൊന്നരയോടെയായിരുന്നു സംഭവം. തെരഞ്ഞെടുപ്പ് ഡ്യൂട്ടിക്ക് വന്ന ബിഎസ്എഫുകാര് തമ്മിലുണ്ടായ തര്ക്കത്തിനിടെയാണ് റാം ഗോപാല് വെടിയേറ്റ് മരിച്ചതെന്നാണ് പ്രാഥമിക നിഗമനം. അവധി സംബന്ധിച്ച തർക്കമാണ് വെടിവെപ്പിൽ കലാശിച്ചതെന്ന് സംശയിക്കുന്നു. നാല് തവണ വെടിയൊച്ച കേട്ടതായി നാട്ടുകാർ അറിയിച്ചതിനെ തുടർന്നാണ് പൊലീസ് സ്ഥലത്തെത്തിയത്. മൃതദേഹം വടകര സഹകരണ ആശുപത്രിയി മോര്ച്ചറിയില് സൂക്ഷിച്ചിരിക്കുകയാണ്.
Leave a Reply