Welcome to NIRBHAYAM.COM | Kerala’s No. 1 News Portal
December 14, 2025 6:18 am
Published on June 27, 2017 at 2:21 pm
നടിയും പള്സര് സുനിയുമായി അടുപ്പമുണ്ടെന്ന് പറഞ്ഞിട്ടില്ല; ദിലീപിനെ തള്ളി ലാല്
കൊച്ചി: നടിയും പള്സര് സുനിയും തമ്മില് അടുപ്പത്തിലായിരുന്നു എന്ന് സംവിധായകനും നടനുമായ ലാല് തന്നോടു പറഞ്ഞിട്ടുണ്ടെന്ന നടന് ദിലീപിന്റെ പ്രസ്താവനയ്ക്കെതിരെ ലാല് രംഗത്ത്. താനാരോടും അങ്ങനെ പറഞ്ഞിട്ടില്ലെന്ന് ലാല് വ്യക്തമാക്കി.
അക്രമിക്കപ്പെട്ട നടിയും കേസിലെ മുഖ്യപ്രതി പള്സര് സുനിയും തമ്മില് വലിയ അടുപ്പമുണ്ടായിരുന്നുവെന്ന് തന്നില് നിന്നും അറിഞ്ഞുവെന്ന് ദിലീപ് പറഞ്ഞ ചാനല് ചര്ച്ച കണ്ടിട്ടില്ലെന്നും അദ്ദേഹം പറഞ്ഞു.
നടിയും പള്സര് സുനിയും സുഹൃത്തുക്കളാണോ എന്ന് തനിക്കറിയില്ല. അങ്ങനെ അവരെ ഒരിടത്തും കണ്ടിട്ടുമില്ല. തീര്ത്തും അടിസ്ഥാന രഹിതമായ കാര്യങ്ങളാണ് ദിലീപ് പറയുന്നത് എന്നാണ് ലാല് പറഞ്ഞതെന്നാണ് റിപ്പോര്ട്ട്. നടിയ്ക്കും പള്സര് സുനിയ്ക്കും ബന്ധമുണ്ടെന്ന് താന് ആരോടും പറഞ്ഞിട്ടില്ലെന്നും ദിലീപിന്റെ വെളിപ്പെടുത്തല് ഏതു സാഹചര്യത്തിലാണെന്ന് അറിയില്ലെന്നും ലാല് പറയുന്നു.
തന്റെ മകന്റെ സിനിമയില് അഭിനയിക്കുമ്പോഴാണ് നടി ആക്രമിക്കപ്പെട്ടത്. നടി കാറുചോദിച്ചപ്പോള് നല്കി. ആക്രമിക്കപ്പെട്ടശേഷം തന്റെ വീട്ടിലേക്കാണ് നടി ആദ്യം എത്തിയത്. എല്ലാ പ്രശ്നവും തനിക്ക് ഒതുക്കി തീര്ക്കാമായിരുന്നു. എന്നാല് താന് പൊലീസിനെ അറിയിക്കുകയാണുണ്ടായതെന്നും ലാല് വിശദീകരിക്കുന്നു.
ഗോവ ചിത്രീകരണത്തില് പങ്കെടുത്ത എല്ലാവര്ക്കും ആ ഡ്രൈവര് സ്വാഭാവികമായും പരിചിതനായിരിക്കും. പിന്നെ ഈ സംഭവത്തിന് ശേഷം അക്രമിക്കപ്പെട്ട നടി അയാളെ തിരിച്ചറിഞ്ഞുവെന്ന് പറഞ്ഞതല്ലേ? അത് മുഖപരിചയമുള്ളതുകൊണ്ട് തന്നെയല്ലേ? അത്രയേയുള്ളൂ. അല്ലാതെ അവരിരുവരും പൂര്വ്വകാല സുഹൃത്തുക്കളാണെന്നും ബന്ധുക്കളാണെന്നുമൊന്നുമല്ല താന് പറഞ്ഞിട്ടുള്ളതെന്ന് ലാല് പറയുന്നു.
ആ അര്ത്ഥത്തില് തന്നെയാവും ദിലീപും ഇക്കാര്യം പറഞ്ഞിരിക്കുക. അങ്ങനെയല്ലെങ്കില് താന് പറഞ്ഞത് ദിലീപ് മനസിലാക്കിയതിന്റെ കുഴപ്പമാണ്. തന്റെ വാക്കുകള് ദിലീപ് തെറ്റിദ്ധരിച്ചതാവും. നടിയും പള്സര് സുനിയും അടുപ്പക്കാരാണെന്ന് പറയേണ്ട കാര്യമൊന്നുമില്ല, അങ്ങനെ താന് പറഞ്ഞിട്ടുമില്ല. ഗോവയില് ചിത്രീകരണത്തിന് വേണ്ടി ഓടിയ വണ്ടിയായതിനാല് നടിക്ക് ഡ്രൈവറെ പരിചയമുണ്ടെന്നാണ് പറഞ്ഞത്, അല്ലാതെ അടുപ്പമുണ്ടെന്നോ സൗഹൃദത്തിലാണ് എന്നൊന്നുമല്ല, ലാല് പറഞ്ഞു.
റിപ്പോര്ട്ടര് ചാനലില് നടന്ന ചര്ച്ചയ്ക്കിടെയാണ് നടിയും പള്സര് സുനിയും ഭയങ്കര അടുപ്പത്തിലായിരുന്നു എന്ന് ദിലീപ് പറഞ്ഞത്. ഇക്കാര്യം തന്നോട് സംവിധായകന് ലാലേട്ടന് പറഞ്ഞിട്ടുളളതാണെന്നായിരുന്നു ദിലീപിന്റെ പരാമര്ശം.
‘ഭയങ്കര അടുപ്പത്തിലായിരുന്നു അവര്. ഗോവയില് ഒരുമിച്ച് വര്ക്ക് ചെയ്തിരുന്നു. അവര് വലിയ ഫ്രണ്ട്സായിരുന്നു എന്നൊക്കെ തന്റെ അടുത്ത് പറഞ്ഞതല്ലേ. അതാണ് അപകടത്തിന് വഴിവെച്ചത്. താന് ആരുമായിട്ട് കൂട്ടുകൂടണമെന്നത് അവരവര് തീരുമാനിക്കേണ്ടേ, താന് ഒരിക്കലും ഈ വക ആള്ക്കാരുമായി കൂട്ടുകൂടാന് ഉദ്ദേശിക്കുന്നില്ല.അതിന് തയ്യാറുമല്ല. അതില് വളരെ ശ്രദ്ധിക്കുകയും ചെയ്യുന്നയാളാണ്. ‘ എന്നും ദിലീപ് പറഞ്ഞിരുന്നു.
Leave a Reply