Welcome to NIRBHAYAM.COM | Kerala’s No. 1 News Portal
December 15, 2025 4:27 am
Published on November 18, 2017 at 1:13 pm
ഇതൊരു സാധാരണ ഹിന്ദി, തമിഴ് ആക്ഷന് സിനിമയല്ല; പ്രണവിന്റെ ആദിയെ കുറിച്ച് സംവിധായകന്
പ്രണവ് മോഹന്ലാല് ആദ്യമായി നായകനാകുന്ന ആദി ഒരു സാധാരണ ഹിന്ദി, തമിഴ് ആക്ഷന് സിനിമയല്ലെന്നും ആ രീതിയില് മാത്രമേ ചലച്ചിത്രത്തെ കാണാവു എന്നും ചിത്രത്തിന്റെ സംവിധായകന് ജിത്തു ജോസഫ്.
മറ്റേതിലേയും എന്ന പോലെ കുറച്ച് ആക്ഷന് സീനുകള് മാത്രമുള്ള ഒരു റിയലിസ്റ്റിക്ക് ചിത്രമാണ് ആദിയെന്നും അദ്ദേഹം കൂട്ടിച്ചേര്ത്തു.
പ്രണവിന്റെ ആദ്യ ചിത്രത്തെ കൂറിച്ചാണ് ഇപ്പോള് സോഷ്യല് മീഡിയയിലെ പ്രധാന ചര്ച്ചകളെല്ലാം. ആദിയുടെ വിശേഷങ്ങളും ചിത്രങ്ങളും വൈറലാകുകയുമാണ്. ഈ സാഹചര്യത്തിലാണ് സംവിധായകന് ജിത്തു ജോസഫ് ഈ നിര്ദേശവുമായി രംഗത്തെത്തുന്നത്.
ആദിയില് ഡ്യപ്പിനെ ഉപയോഗിക്കാതെതെയാണ് സംഘട്ടനരംഗങ്ങളില് പ്രണവ് എത്തിയെതെന്നായിരുന്നു ഇപ്പോഴത്തെ പ്രധാന ചര്ച്ചാ വിഷയം. ഇതൊരു സാധാരണ ഹിന്ദി, തമിഴ് ആക്ഷന് സിനിമയല്ല, മറ്റേതിലേയും എന്ന പോലെ കുറച്ച് ആക്ഷന് സീനുകള് മാത്രമുള്ള ഒരു റിയലിസ്റ്റിക്ക് ചിത്രമാണ് ആദി. ആ രീതിയില് മാത്രമേ ചലച്ചിത്രത്തെ കാണാവൂ, ജിത്തു ജോസഫ് പറയുന്നു.
ചിത്രത്തിന്റെ എടുത്തു പറയേണ്ട പ്രധാന സവിശേഷത ഇതിലെ ആക്ഷന് രംഗങ്ങള് തന്നെയാണെന്നും പാര്ക്ക്വര് സംവിധാനത്തിന്റെ ഉപയോഗം ചിത്രത്തിന്റെ ദൃശ്യതക്ക് കൂടുതല് മിഴിവേകിയെന്നും അദ്ദേഹം ചൂണ്ടിക്കാട്ടി.
ഫ്രാന്സില് ഷൂട്ട് ചെയ്യാനുദ്ദേശിച്ച സാഹസിക രംഗം ഡ്യൂപ്പിനെ വച്ചു ചെയ്യാനായിരുന്നു തീരുമാനിച്ചിരുന്നത്. എന്നാല് താന് ചെയ്യാം എന്ന ആത്മവിശ്വാസത്തോടെ പ്രണവ് മുന്നോട്ട് വരികയായിരുന്നുവെന്നും ജിത്തു ജോസഫ് വെളിപ്പെടുത്തി.
അപകടം പറ്റിയാലോ എന്ന ഭയം ആക്ഷന് കൊറിയോഗ്രാഫര്മാര്ക്കിടയില് ഉണ്ടായിരുന്നു. എന്നാല് അദ്ഭുതപ്പെടുത്തികൊണ്ടായിരുന്നു പ്രണവിന്റെ മറുപടി. വളരെ തന്മയത്തത്തോടെ മനോഹരമായി സീന് പൂര്ത്തിയാക്കാന് പ്രണവിന് സാധിച്ചുവെന്നും അദ്ദേഹം കൂട്ടിച്ചേര്ത്തു.
Leave a Reply