Welcome to NIRBHAYAM.COM | Kerala’s No. 1 News Portal
July 15, 2026 9:50 pm
Published on September 15, 2016 at 8:08 am
സൗമ്യ വധക്കേസ്:സുപ്രീം കോടതി വിധി ഇന്ന്
ന്യൂഡല്ഹി: സൗമ്യ വധക്കേസില് സുപ്രീം കോടതി വിധി ഇന്ന്. രാവിലെ 10.30നാണ് വിധി പറയുക. ജസ്റ്റിസ് രഞ്ജന് ഗൊഗോയ് അധ്യക്ഷനായ മൂന്നംഗ ബഞ്ചാണ് വിധി പറയുന്നത്.സൗമ്യ വധക്കേസില് ഗോവിന്ദ ചാമിയുടെ അപ്പീല് പരിഗണിക്കവെ സുപ്രീം കോടതിയുടെ ചോദ്യങ്ങള്ക്ക് മുമ്പില് പ്രോസിക്യൂഷന് ഉത്തരംമുട്ടിയിരുന്നു. ഗോവിന്ദചാമി സൗമ്യയെ ട്രെയിനില് നിന്നും തള്ളിയിട്ടതിന് തെളിവ് എവിടെയെന്ന് കോടതി ചോദിച്ചപ്പോള് അതിന് വ്യക്തമായ ഉത്തരം നല്കാന് പ്രോസിക്യൂഷന് സാധിച്ചില്ല. സൗമ്യ ട്രെയിനില് നിന്നും ചാടിയെന്നാണ് സാക്ഷിമൊഴികള്. ഊഹാപോഹങ്ങള് കോടതിയില് പറയരുത്. സൗമ്യ ബലാത്സംഗത്തിന് ഇരയായി എന്നത് ബോധ്യപ്പെട്ടിട്ടുണ്ടെന്നും കോടതി വ്യക്തമാക്കി.
ഹൈക്കോടതി മുന് ജഡ്ജിയും മുതിര്ന്ന അഭിഭാഷകനുമായ തോമസ് പി.ജോസഫ്, സ്റ്റാന്ഡിങ് കൗണ്സല് നിഷെ രാജന് ശങ്കര് എന്നിവരാണു സര്ക്കാരിനായി കഴിഞ്ഞ ദിവസം കോടതിയില് ഹാജരായത്. സൗമ്യയെ ഗോവിന്ദച്ചാമി ട്രെയിനില്നിന്നു തള്ളിയിടുകയായിരുന്നു എന്നതിനുള്ള സാഹചര്യത്തെളിവുകള് നിരത്തി ബോധ്യപ്പെടുത്താന് ഇവര്ക്കായില്ല. ഇക്കാര്യത്തില് വ്യക്തമായ തെളിവുകള് ആവശ്യപ്പെട്ട ബെഞ്ച് ഊഹാപോഹങ്ങള് കോടതിയില് പറയരുതെന്ന് അഭിഭാഷകരെ താക്കീത് ചെയ്യുകയുമുണ്ടായി.
2011 ഫിബ്രവരി ഒന്നിനാണ് കൊച്ചി-ഷൊര്ണ്ണൂര് പാസഞ്ചര് തീവണ്ടിയില് സഞ്ചരിച്ച കൊച്ചിയിലെ സ്വകാര്യ സ്ഥാപനത്തിലെ ജീവനക്കാരി സൗമ്യ (23) ക്രൂര പീഡനത്തിന് ഇരയായത്. ഫിബ്രവരി ആറിന് തൃശ്ശൂര് മെഡിക്കല് കോളേജില്വച്ച് സൗമ്യ മരിച്ചു..
Leave a Reply