Published on May 27, 2019 at 12:35 pm

എറണാകുളം ബ്രോഡ്‌വേയില്‍ തീപ്പിടിത്തം

കൊച്ചി: എറണാകുളം ബ്രോഡ്‌വേയില്‍ വന്‍തീപ്പിടിത്തം. വസ്ത്രവ്യാപാരസ്ഥാപനത്തിനാണ് ആദ്യം തീപിടിച്ചത്. പിന്നീട് ഇത് അടുത്ത കടകളിലേക്ക് പടരുകയായിരുന്നു. രാവിലെ പത്തുമണിയോടെയാണ് സംഭവം. മൂന്നുനിലക്കെട്ടിടത്തിലാണ് അഗ്നിബാധയുണ്ടായത്. നാലു യൂണിറ്റ് ഫയര്‍ ഫോഴ്‌സ് സ്ഥലത്തെത്തിയിട്ടുണ്ട്. തീയണയ്ക്കുന്നതിനുള്ള ശ്രമങ്ങള്‍ പുരോഗമിക്കുകയാണ്.

ബ്രോഡ് വേയിലെ പഴയ കെട്ടിടങ്ങളിലൊന്നിനാണ് തീപിടിച്ചത്. മറ്റു കെട്ടിടങ്ങളിലേക്ക് തീപടരാതിരിക്കാനുള്ള മുന്‍കരുതലും സ്വീകരിക്കുന്നുണ്ട്. തുണി, ഓയില്‍ തുടങ്ങിയ വസ്തുക്കള്‍ വില്‍ക്കുന്ന കടകള്‍ക്കു സമീപമാണ് തീപ്പിടിത്തമുണ്ടായിരിക്കുന്നത്. പ്രദേശത്തുനിന്ന് ആളുകളെ മാറ്റിയിട്ടുണ്ട്. സ്ഥിതി നിയന്ത്രണവിധേയമാണെന്ന് സിറ്റി പോലീസ് കമ്മീഷണര്‍ അറിയിച്ചു.

Share this on WhatsApp