Welcome to NIRBHAYAM.COM | Kerala’s No. 1 News Portal
December 15, 2025 4:22 am
Published on April 15, 2017 at 1:16 pm
സെക്സിയാണെന്ന് താന് പണ്ടേ തെളിയിച്ചതാണെന്ന് വിദ്യാ ബാലന്
മുംബൈ: ബോളിവുഡിലെ കരുത്തിന്റെ പ്രതിരൂപമാണ് വിദ്യാ ബാലന്. കഥാപാത്രത്തിനു വേണ്ടി എത്ര സെക്സിയാകാനും തയ്യാറാകുന്ന വിദ്യ, ബീഗം ജാനിലെ വിഭജനകാലത്ത് അതിര്ത്തിക്കടുത്തുള്ള ഒരു വേശ്യാലയത്തിന്റെ നടത്തപ്പുകാരിയുടെ കുരുത്തുറ്റ വേഷത്തോടെ സെക്സിയും തന്റേടിയുമെന്ന മുദ്ര ഒന്ന് കൂടി ഉറപ്പിച്ചിരിക്കുകയാണ്.
എന്നാല്, ബീഗം ജാനിനും ഡേര്ട്ടി പിക്ചറിനും മുന്പ് തന്നെ സെക്സിയാണെന്ന് താന് തെളിയിച്ചുകഴിഞ്ഞതായി വിദ്യ പറഞ്ഞു. റെഡ്ഡിഫിനനുവദിച്ച അഭിമുഖത്തിലായിരുന്നു വിദ്യയുടെ പ്രതികരണം.
2010ല് പുറത്തിറങ്ങിയ ഇഷ്ഖിയക്കുശേഷമാണ് താന് തന്നോട് തന്നെയും ലോകത്തിന് മുന്നിലും സെക്സിയാണെന്ന് തെളിയിച്ചത്. പുരുഷന്മാരെ തന്റെ ലൈംഗികത കൊണ്ട് മയക്കുന്ന അതിലെ കൃഷ്ണ വര്മ്മ, തന്റെ ഏറ്റവും പ്രിയപ്പെട്ട കഥാപാത്രങ്ങളില് ഒന്നാണെന്നും വിദ്യ പറയുന്നു. അതിനുശേഷമാണ് ലോകത്തിന് മുന്നില് സെക്സിയാണെന്ന് തനിക്ക് തെളിയിക്കാനായതെന്നും ഇതില് നിന്നുള്ള വളര്ച്ചയാണ് ബീഗം ജാനിലെ കഥാപാത്രമെന്നും അവര് കൂട്ടിച്ചേര്ത്തു.
ദേഹത്ത് ഒട്ടിയ, ഇറുകിയ വസ്ത്രങ്ങള് അണിയാന് ഒരിക്കലും തനിക്ക് മടിയുണ്ടായിരുന്നില്ല. എന്നാല്, ഡേര്ട്ടി പിക്ചറിലെ രേഷ്മയാവാന് അത്ര എളുപ്പമായിരുന്നില്ല. അതിലെ കഥാപാത്രത്തെ ചെയ്തു കഴിഞ്ഞപ്പോഴാണ് ശരീരത്തെക്കുറിച്ചുള്ള മുന്ധാരണകളെല്ലാം തന്നെ വിട്ടുപോയതെന്നും വിദ്യ വ്യക്തമാക്കി.
തുടക്കത്തില് മലയാളത്തിലും തമിഴിലുമായി പന്ത്രണ്ട് സിനിമകള്ക്ക് കരാര് ഒപ്പിട്ടെങ്കിലും ഒരെണ്ണം പോലും വെളിച്ചം കാണാതായപ്പോള് കടുത്ത നിരാശയായിരുന്നു. ചിലത് ചിത്രീകരണം കഴിഞ്ഞശേഷം ഉപേക്ഷിക്കപ്പെടുകയായിരുന്നു. നിരാശ കാരണം അഭിനയം നിര്ത്തിയാലോ എന്നു വരെ അന്ന് ആലോചിച്ചതാണെന്നും വിദ്യ ഓര്ക്കുന്നു.
ഒരു അഭിനേതാവാകണമെന്ന അതിയായ മോഹമാണ് ആ അവസ്ഥയില് നിന്ന് തിരിച്ചുവരാന് തന്നെ സഹായിച്ചത്. അന്നത്തെ ആ നിരാശയ്ക്കും ദേഷ്യത്തിനുമെല്ലാമുള്ള ഉത്തരമാണ് ബീഗം ജാനെന്നും വിദ്യ പറഞ്ഞു.
Leave a Reply