Welcome to NIRBHAYAM.COM | Kerala’s No. 1 News Portal
September 22, 2026 3:27 pm
Published on November 5, 2016 at 9:57 am
ജയലളിതയുടെ രോഗം പൂര്ണമായി ഭേദപ്പെട്ടു; എപ്പോള് വേണമെങ്കിലും ആശുപത്രി വിടാം…!!
ചെന്നെ:ജയലളിതയുടെ രോഗം പൂര്ണമായി ഭേദമായതായി അപ്പോളോ ആശുപത്രി അധികൃതര്.ആശുപത്രിയില്നിന്ന് എപ്പോള് പോകണമെന്ന കാര്യം ജയലളിതയ്ക്ക് തീരുമാനിക്കാമെന്നും ഡോക്ടര്മാര് അറിയിച്ചു. ജയലളിതയുടെ ആരോഗ്യനിലയെക്കുറിച്ച് ആദ്യമായാണ് ആശുപത്രി അധികൃതരില്നിന്ന് വിവരം പുറത്തുവരുന്നത്. അതിതീവ്ര നിരീക്ഷണവിഭാഗത്തില് കഴിയുന്ന ജയയെ മൂന്നുദിവസത്തിനകം മുറിയിലേക്ക് മാറ്റുമെന്നും മൂന്നാഴ്ചക്കകം വീട്ടിലേക്ക് മടങ്ങുമെന്നും അനൗദ്യോഗിക വിവരമുണ്ട്.
ഡോക്ടര്മാരുമായും നഴ്സുമാരുമായും അവര് സംസാരിക്കുന്നുണ്ടെന്ന് ചെയര്മാന് പറഞ്ഞു. വിവിധ തലങ്ങളിലുള്ള ഡോക്ടര്മാരുടെയും നഴ്സുമാരുടെയും കൂട്ടായ ശ്രമത്തിലൂടെയാണ് വിദഗ്ധ ചികിത്സ നല്കിയത്. ആശുപത്രിയില് സ്വകാര്യ ചടങ്ങിനിടെ മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
ന്യൂഡല്ഹി എയിംസ്, അപ്പോളോ ആശുപത്രി എന്നിവിടങ്ങളിലെ 15 അംഗ ഡോക്ടര്മാരും വിദേശ വിദഗ്ധനുമാണ് ചികിത്സാസംഘത്തിലുണ്ടായിരുന്നത്. കരള്, വൃക്ക തുടങ്ങിയ അവയവങ്ങളിലെ അണുബാധ നിയന്ത്രണവിധേയമായതായി സൂചനയുണ്ട്.
കഴിഞ്ഞമാസം 21ന് പുറത്തിറക്കിയ അവസാന മെഡിക്കല് ബുള്ളറ്റിനില് ശ്വാസോച്ഛ്വാസ സഹായി ഘടിപ്പിച്ചതായി സൂചിപ്പിച്ചിരുന്നു. ഇതിനുശേഷം ആഴ്ചകളായി മെഡിക്കല് ബുള്ളറ്റിന് പുറത്തിറക്കുന്നില്ല. ഇതിനുശേഷമാണ് തെരഞ്ഞെടുപ്പ് നടക്കുന്ന മണ്ഡലങ്ങളിലെ അണ്ണാഡി.എം.കെ സ്ഥാനാര്ഥികള്ക്ക് നല്കിയ സാക്ഷ്യപത്രത്തില് ഇടതുവിരലടയാളം പതിച്ചത്. വലതു കൈ അനക്കാന് സാധ്യമല്ലാത്തതിനാലാണ് വിരലടയാളം പതിച്ചതെന്ന് ഡോക്ടര്മാരുടെ കുറിപ്പും പുറത്തുവന്നിരുന്നു.സെപ്റ്റംബര് 22നാണ് ജയയെ അപ്പോളോ ആശുപത്രിയില് പ്രവേശിപ്പിച്ചത്.
Leave a Reply