Welcome to NIRBHAYAM.COM | Kerala’s No. 1 News Portal
December 15, 2025 10:56 pm
Published on June 9, 2017 at 12:01 pm
അമ്മയ്ക്ക് കാര് ആക്സിഡന്റില് ഗുരുതര പരിക്ക്; പലസ്തീന് കുഞ്ഞിനു മുലയൂട്ടി ഇസ്രയേലി നഴ്സ്
ജറുസലേം: ലോകത്തിന്റെയാകെ സ്നേഹാദരങ്ങളേറ്റുവാങ്ങി ഒരു ഇസ്രയേലി നേഴ്സ്. കാറപകടത്തില് ഗുരുതരമായി പരുക്കേറ്റ പലസ്തീന് സ്ത്രീയുടെ ഒമ്പതു മാസം പ്രായമുള്ള കുഞ്ഞിനു മുലയൂട്ടുന്ന ഇസ്രയേലി നഴ്സിന്റെ ചിത്രം അതിരുകളില്ലാത്ത മാതൃസ്നേഹത്തിന്റെ മഹനീയ മാതൃകയാകുകയാണ്.
ഉല ഒസ്ട്രോസ്കി സാക്ക് എന്ന ജൂത നഴ്സാണ് മതവൈരത്തിനപ്പുറത്തെ സ്നേഹം ലോകത്തിന് കാണിച്ചു കൊടുത്തത്. ഇസ്രയേലില് നടന്ന അപകടത്തില് പിതാവു മരിക്കുകയും മാതാവിനു ഗുരുതരമായി പരുക്കേല്ക്കുകയും ചെയ്തതിനെ തുടര്ന്നാണ് പിഞ്ചുകുഞ്ഞിനെ ഹദാസ ഇന് കരേം ആശുപത്രിയിലെത്തിച്ചത്. കുഞ്ഞിനു കുപ്പിയില് പാലു നല്കാന് ഏഴു മണിക്കൂറോളം പരിശ്രമിച്ചിട്ടും കഴിയാതെ വന്നതോടെ മുലപ്പാല് നല്കാന് നഴ്സ് തീരുമാനിക്കുകയായിരുന്നു.
പലസ്തീന് കുഞ്ഞിനു മുലയൂട്ടാന് ഒരു ഇസ്രയേലി നഴ്സ് തയാറായത് കുട്ടിയുടെ ബന്ധുക്കളെ അദ്ഭുതപ്പെടുത്തിയെന്നും അവര് തന്നെ കെട്ടിപ്പിടിച്ച് നന്ദി അറിയിച്ചെന്നും ഉല ഒസ്ട്രോസ്കി പറഞ്ഞു.
പക്ഷെ ഏതൊരു അമ്മയ്ക്കും അങ്ങനെ ചെയ്യാന് കഴിയുമെന്നായിരുന്നു ഉലയുടെ മറുപടി. അഞ്ചു തവണ ഉല ഒസ്ട്രോസ്കി കുഞ്ഞിന് മുലയൂട്ടി. മൂന്നു കുട്ടികളുടെ അമ്മയാണ് ഉല. നാലാമത്തെ കുഞ്ഞിനെപ്പോലെയാണ് താന് അവനെ പരിചരിക്കുന്നതെന്ന് ഉല പറഞ്ഞു.
കുഞ്ഞിനു മുലയൂട്ടാനും പരിചരിക്കാനും സഹായിക്കണമെന്ന് ആവശ്യപ്പെട്ട് ഉല ന്യൂ മംസ് ഓണ്ലൈന് എന്ന വെബ്സൈറ്റില് അഭ്യര്ഥന നടത്തിയതിനെ തുടര്ന്ന് നൂറുകണക്കിന് അമ്മമാരാണ് മുലപ്പാല് നല്കാന് തയാറായി എത്തുന്നത്. വടക്കന് ഇസ്രയേലില്നിന്നു വരെ അമ്മമാര് എത്താന് തയാറാണെന്ന് അറിയിച്ചതായി ഉല പറഞ്ഞു.
കുട്ടിയുടെ അമ്മ ഇപ്പോഴും ഗുരുതരാവസ്ഥയില് തുടരുകയാണ്. അതുവരെ കുട്ടി ബന്ധുക്കളുടെ സംരക്ഷണയിലായിരിക്കും. കൂടാതെ കുട്ടിയുടെ അമ്മായിമാരിലൊരാള് വീട്ടില് കുഞ്ഞിനെ നോക്കാനുള്ള സൗകര്യങ്ങളെല്ലാം ചെയ്തിട്ടുണ്ടെന്നും ഉല പറഞ്ഞു.
Leave a Reply