Welcome to NIRBHAYAM.COM | Kerala’s No. 1 News Portal
July 28, 2026 8:55 pm
Published on February 24, 2016 at 9:44 am
പി ജയരാജന് സഞ്ചരിച്ച ആംബുലന്സ് അപകടത്തില്പ്പെട്ടു
തൃശൂര് : സിപിഎം കണ്ണൂര് ജില്ലാ സെക്രട്ടറി പി ജയരാജന് സഞ്ചരിച്ച ആംബുലന്സ് അപകടത്തില്പ്പെട്ടു.തിരുവനന്തപുരം ശ്രീചിത്ര മെഡിക്കല് കോളേജിലേക്ക് കൊണ്ടുപോകുന്നതിനിടെ പുലർച്ചെ ഒന്നരയോടെയായിരുന്നു അപകടം.ആംബുലന്സ് ഡ്രൈവര് ഉറങ്ങിയതാണ് അപകടകാരണമെന്നാണ് സൂചന. തുടര്ന്ന് നിയന്ത്രണം വിട്ട ആംബുലന്സ് ഫുട്പാത്തിലേക്ക് ഇടിച്ചു കയറുകയായിരുന്നു. വാഹനത്തിന്റെ രണ്ടു ടയറുകളും പൊട്ടി. അപകടത്തെ തുടര്ന്ന് ദേഹാസ്വാസ്ഥ്യം അനുഭവപ്പെട്ട ജയരാജനെ അമല ആശുപത്രിയില് പ്രവേശിപ്പിച്ചിരിക്കുകയാണ്. അതേസമയം, ജയരാജനെ തിരുവനന്തപുരം ശ്രീചിത്രയിലേക്ക് മാറ്റുന്നത് സി.പി.എം പ്രവര്ത്തകര് തടഞ്ഞു. ട്രെയിൻ മാർഗം അദ്ദേഹത്തെ തിരുവനന്തപുരത്തേക്ക് കൊണ്ടു പോകണമെന്ന് സി.പി.എം നേതാക്കൾ ആവശ്യപ്പെട്ടു. ആംബുലൻസിന് മതിയായ സുരക്ഷ ഒരുക്കിയിരുന്നില്ലെന്നും അവർ ആരോപിച്ചു.ഏറെ അനിശ്ചിതത്വങ്ങള്ക്കൊടുവില് ചൊവ്വാഴ്ച രാത്രി 11.10 ഓടെയാണ് കനത്ത സുരക്ഷാ വലയത്തില് ഐ.സി.യു സൗകര്യമുള്ള ആംബുലന്സില് അദ്ദേഹത്തെ കൊണ്ടുപോയത്. മെഡിക്കല് കോളജ് പരിസരത്ത് തടിച്ചുകൂടിയ പാര്ട്ടി പ്രവര്ത്തകരുടെ മുദ്രാവാക്യം വിളിയുടെ അകമ്പടിയോടെയായിരുന്നു ജയരാജനെ ആംബുലന്സിലേക്ക് കയറ്റിയത്. സി.പി.എം പ്രവര്ത്തകരുടെ നേതൃത്വത്തില് ജില്ലാ അതിര്ത്തിയിലും ജയരാജന് അഭിവാദ്യമര്പ്പിക്കാന് നിരവധി പേര് തടിച്ചുകൂടിയിരുന്നു. ചൊവ്വാഴ്ച വൈകുന്നേരം ഏഴോടെ തിരുവനന്തപുരത്തേക്ക് മാറ്റാനായിരുന്നു തീരുമാനമെങ്കിലും കണ്ണൂരില്നിന്നുള്ള പൊലീസ് സംഘം എത്താന് വൈകിയതിനാല് അനിശ്ചിതത്വം അര്ധരാത്രിവരെ നീളുകയായിരുന്നു.
Leave a Reply