Welcome to NIRBHAYAM.COM | Kerala’s No. 1 News Portal
April 24, 2025 12:25 am
Published on November 29, 2017 at 10:06 am
ഡൽഹിയിൽ കണ്ടെയിനറില്‍ കിടന്നുങ്ങിയ ആറുപേര്‍ ശ്വാസം കിട്ടാതെ മരിച്ചു
ന്യൂഡല്‍ഹി: രാജ്യ തലസ്ഥാനത്തേ കണ്ടോണ്‍മെന്റ് ഏരിയയില്‍ കണ്ടെയിനറില്‍ കിടന്നുങ്ങിയ ആറുപേര്‍ ശ്വാസം കിട്ടാതെ മരിച്ചു. കടുത്ത തണുപ്പില്‍ നിന്നും രക്ഷ നേടുവാന്‍ വേണ്ടി ഇതിനുള്ളില്‍ അടുപ്പുകൂട്ടി തീകാഞ്ഞിരുന്നു. ഇതിന് ശേഷം തീ അണയാതെ കണ്ടെയിനറിന്റെ വാതിലകള്‍ അടച്ചതാണ് ശ്വാസം ലഭിക്കാതെ വന്നത്. രുദ്രാപുര്‍ സ്വദേശികളായ അമിത്, പങ്കജ്, അനില്‍, നേപ്പാള്‍ സ്വദേശി കമല്‍, ഗോരഖ്പുര്‍ സ്വദേശികളായ അവ്ധാല്‍, ദീപ് ചന്ദ് എന്നിവരാണു മരിച്ചത്.
ഇവിടെ കണ്ടോണ്‍മെന്റ് മേഖലയില്‍ നടന്ന ഒരു വിവാഹത്തില്‍ ഭക്ഷണം തയ്യാറാക്കാന്‍ വന്ന ജോലിക്കാരാണ് അപകടത്തിനിരയായത്. തലേദിവസത്തെ ജോലി കഴിഞ്ഞ് കണ്ടെയ്‌നറില്‍ കിടന്നുറങ്ങുകയായിരുന്നു ഈ ആറു പേരും. ഇതില്‍ സൂപ്പര്‍വൈസറായ നിര്‍മല്‍ സിങ് രാത്രി തന്നെ എഴുന്നേറ്റു ബാക്കിയുള്ളവരെ വിളിച്ചപ്പോള്‍ അവര്‍ പ്രതികരിച്ചിരുന്നില്ല. പെട്ടെന്ന് തന്നെ ഇയാള്‍ പൊലീസിനെ വിവരം അറിയിച്ചു. തുടര്‍ന്ന് ആശുപത്രിയില്‍ എത്തിച്ചപ്പോഴേക്കും അമിത്, പങ്കജ്, അനില്‍, കമല്‍ എന്നിവര്‍ മരിച്ചിരുന്നു. അവ്ധാലും ദീപ് ചന്ദും ചൊവ്വാഴ്ച വൈകുന്നേരവും മരിച്ചു.
അടച്ചു പൂട്ടിയ മുറിയില്‍ തീ കാഞ്ഞശേഷം അതു കെടുത്താതെയായിരുന്നു ഇവര്‍ കിടന്നത്. ഇതാണ് ഇവരെ മരണത്തിലേക്ക് നയിച്ചത് എന്നാണ് പോലീസ് വാദം. സംഭവത്തില്‍ കേസ് റജിസ്റ്റര്‍ ചെയ്ത പൊലീസ് മൃതദേഹങ്ങള്‍ തുടര്‍ന്ന് പോസ്റ്റ്‌മോര്‍ട്ടത്തിന് അയച്ചിട്ടുണ്ട്.
Leave a Reply